Hulimahu Hásuumaahu loon Lík akiic homuu 16:7 - Jola-Kasa

⁷ Ban li aan aahu: «Awu butumbuu lookool?» Li anool: «Kusaaku koono téemeel kata edenfeteŋ.» Alokaawu li aanool: «Kaayiitaku kooli kunke. Ukiic ló kúyii kubakii.»

Hulimahu Hásuumaahu loon Lík akiic homuu 16:7 Referencias Cruzadas

Máciya 18:28

«Nan alokaawu ummu áfulum tómuu, li afam li afaalool aloka akee aakenool sídalam safamut. Li ajokool agak ban li aanool: “Ulaañenom ecaagenayi yan ookommuu!”

Hulimahu Hásuumaahu loon Lík akiic homuu 16:6

Anáyinaawu átinaalawu li aanool: «Leekool kúbalik kata éduuliin koono téemeel.» Alokaawu li aanool: «Kaayiitaku kooli kunke, ubah min usommen ukiic ló kúyii kúl̥uba li kuŋen.»

Hulimahu Hásuumaahu loon Lík akiic homuu 16:8

Muñeˈe anahaanawu li asal alokaawu ummu ajakutumuu, mata min akaanumuu majakut li butuuko ló. Mata bukanabuku kata adunaayi inye kuhaŋe matuuko li wahiil, bukanabuku kaanomuu li mawuŋaamu.

Hulimahu Hásuumaahu loon Lík akiic homuu 2:37

Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.

Hulimahu Hásuumaahu loon Lík akiic homuu 20:12

Li alaañen aboñ aloka áhaajut. Kulokaaku kata úbiiñawu li kucokenool foof ban li kubetenool tíyaŋ.

Hulimahu Hásuumaahu loon Lík akiic homuu 20:9

Fúlum tó, Yéesu li alob ésukayi bukittenoolumabu umbe: — Bile baj ánayine akee al̥uke úbiiñ li bul̥ib aban, li akat bul̥ibabu li kuŋen kuloka úbiiñ min kubil kunaak kucaamool to joola, min akila ajow kañaahoo kan aate afiyowul.