Hulimahu Hásuumaahu loon Lík akiic homuu 15:29 - Jola-Kasa

²⁹ Bale añiilawu anahaanawu li aan atuubawool: “Ujanten, baje muñeˈe simit sameeŋe nan éemimuu li bulok boot li awu, ban bajut nakee nan ihoye bakaan wah wan oonom ikaani. Bale bilut líiŋ nakee li usenom maayeet ajaameen ano imuk min jigaan li kufaalom.

Hulimahu Hásuumaahu loon Lík akiic homuu 15:29 Referencias Cruzadas

Máciya 20:12

Muñeˈe kulokaabuku kútinaalabuku li koon ánayinaawu: “Kulokaabuku umbuku kan uŋalumuu búsol, ewaatu yano bale kuloke, ban li ucaamiil loon áloli, jálaamumuu etihunakaayi feh li hásufaahu hata banakabu.”

Hulimahu Hásuumaahu loon Lík akiic homuu 15:28

Muñeˈe añiilawu ahaanawu huuñool li hulit, min ahoy banoken li eluufayi. Atuubawool li áfulul ayaakoolool mantee li ajow anoken.

Hulimahu Hásuumaahu loon Lík akiic homuu 15:30

Bale añooli umme lálaañulo, okila aŋalumuu ebajayi yooli feh ajow afasiken li sicaga, okila lumukumuu jímuunaaju jahaŋumuu maluuk.”

Hulimahu Hásuumaahu loon Lík akiic homuu 15:7

Boot ilobuul, li manolamu, fan bil baj ésuumansuum yáamak li emitayi, ahoofoola ano bátiiwoye aŋa’ buloŋ buwunkul. Esúumansuumayi inyu fan ehaŋ yammuu li ebaj, mata bukan kúyii kubakii li kaat li kubakii kacole, kan jokut min kútiiwo kuŋa’ buloŋ buwunkul.

Hulimahu Hásuumaahu loon Lík akiic homuu 17:10

Muñowu foof nokoomuu li bukuluul. Jikaanumuu wahawu feh wan koonuulumuu jikaan jiban, li joon: «Olóli hin kuloka joom bale; jikankaan wahawu wan jóotimuu jikaan.»

Hulimahu Hásuumaahu loon Lík akiic homuu 18:9

Yéesu li afamen alob bukittenoolumabu umbe aya li bukanabuku kajokoolomuu loon buko bukan kacole hákil Ateemit, ban li kunaak kubes kaabuku. Li aaniil:

Hulimahu Hásuumaahu loon Lík akiic homuu 19:21

mata líkoliyikoli. Lukankaan ánayine átaañiye. Luŋaleŋa’ wah wan ulokut, ban li unaak ucac tan uwañut.”

Kata Lom 10:3

Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool.

Kata Lom 3:20

Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.

Kata Lom 3:27

Muñeˈe waa wommuu li úji bukanabuku li kunaak kusaloolo? Bajut, maayeet wano! Mata wáa úji? Mantee bakaaneliil boote bújiyiil li kulako bukan kacole hákil eluwaayi? Maayeet, bale min kúyinenumuu, mó mújiye.

Kata Lom 7:9

Naanaŋ nan eluwaayi ebajutumuu, lilolloŋ; bale nan eluwaayi ebilumuu, kahoofoolaku li kuloŋ,

Búhiisenumabu 2:17

«An áakimuu sijan, li ajanten wahawu wan Buyinumabu bulobumuu Sijanguwasu. «An ammuu aheek, fan isenool li maanayi yayolimuu. Fan isenool foof huyitik hahiite. Li huyitikahu unhu kajaw kuwunkul kukiici li ho, kan anoowan ahaasut ábute li anawu abaj homuu.»

Búhiisenumabu 3:17

Mata loonesoon: “Likankaan usaanum, ínje an abaje, ban igayut wahoowah.” Ban uhaasut oon awu asukateen, li úyiyeni ban li ugay, lí úfuum ban ukokowut!