Hulimahu Hásuumaahu loon Lík akiic homuu 15:15 - Jola-Kasa

¹⁵ Muñeˈe li ajow alako bulok ánayine akee li etaamayi inyu. Anáyinaawu li akaanool ajow humat sifulugun li bujal.

Hulimahu Hásuumaahu loon Lík akiic homuu 15:15 Referencias Cruzadas

Máciya 7:6

«Jakum jisen wah wañawo bukanabuku kajakutumuu, kanokoomuu loon sijangi, jakum bil kúlaañul kukaanuul majakut. Jakum foof jiŋa’ usisawu wooluul jitahen bukanabuku kanokoomuu loon sifulugunasu, jakum bil kúkakul wo.

Hulimahu Hásuumaahu loon Lík akiic homuu 15:13

Muñeˈe li baj kunak, añiilawu ahaŋumuu mañiilo, li ájula joola li wahawu wan abajumuu, ban li aŋa’ sídalamasu min ajow boot li etaam yakee yáloyiye. Nan áliiŋ bomuu, li aŋa’ sídalamasu soola feh afasiken li buloŋ bajakut.

Hulimahu Hásuumaahu loon Lík akiic homuu 15:14

Nan atiñumuu sídalamasu soola feh ajow aban, bamuufaay báamak li bubaj li etaamayi inyu. Añiilawu abajut wah wan ammuu atiñ.

Hulimahu Hásuumaahu loon Lík akiic homuu 15:16

Añiilawu li afañeen anaak atiñ hutiñahu hata sifulugunasu, bale an asenutool ho.

Kata Lom 6:22

Bale muñeˈe bukuluul jífuffu’ li humiikeeleto hata kahoofoo, min joono kuloka kata Ateemit. Wahawu wan jommuu li jibaj to wo wommuu min jilako bukan kanabe. Húbanumahu hata bo, ho hommuu buloŋabu bábaneliitumuu.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.