Hulimahu Hásuumaahu loon Lík akiic homuu 14:26 - Jola-Kasa

²⁶ — An abilumuu búmbaam, laate afañom ahaŋ min afañumuu atuubawool, jaawool, aseekool, kuñoolool, kutuyool, kúliinool li buloŋabu boola humum bo. Letumuu mo, let ayili alako ágoomom.

Hulimahu Hásuumaahu loon Lík akiic homuu 14:26 Referencias Cruzadas

Máciya 10:37

«An afañumuu atuubawool mantee jaawool haŋ min afañommuu, áliiŋut min aani úmbaam. An li abil afañ añoolool áyine mantee añoolool aale haŋ min afañommuu, áliiŋut min aani úmbaam.

Hulimahu Hásuumaahu loon Lík akiic homuu 14:20

Aahu li aan: «Likitekit li iyab anaale, mó mújimuu let iyili ibil.»

Hulimahu Hásuumaahu loon Lík akiic homuu 14:25

Muñeˈe li baj búsuk báamak banaake bunab li Yéesu. Yéesu li átiiwowul li aaniil:

Hulimahu Hásuumaahu loon Saŋ akiic homuu 12:25

An afañumuu buloŋabu boola, let abaj buloŋabu bábaneliitumuu. Bale an aluukenutumuu buloŋabu boola li adunaayi inye, fan aaken bo boot yok li buloŋabu bábaneliitumuu.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Kata Lom 9:13

Wahawu unwu unaboonaboo li hulimahu han Ateemit alobumuu aan: «Sakob lifañumuu, min ihoy Esáyii.»

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.