Hulimahu Hásuumaahu loon Lík akiic homuu 14:21 - Jola-Kasa

²¹ Alokaawu li alaañ áliiŋ, li akitten anahaanawu oola wahawu feh wan kuloboolumuu. Anahaanawu ata eluufayi, etindihuuñ li ejokool, li aan alokaawu oola: «Ujow cab boot li waayeenawu, li útinawu wata ésukayi min úŋalul, kusukateenaku, kakajumuu, káfuumumuu li kajinkemuu, boot taate.»

Hulimahu Hásuumaahu loon Lík akiic homuu 14:21 Referencias Cruzadas

Máciya 11:28

«Jibil búmbaam, bukuluul feh jayokumuu ban li jíl̥iiten, min iyool̥enuul.

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 15:12

Muñeˈe kúgoomaku kata Yéesu li kúkoojulool min koonool: — Luhaasumuu oon kulimaku kan Kufaaliisiyeŋaku kujamimuu li ulob kúsengiyiisengi?

Máciya 18:31

Nan kuloka kaabuku kata áyiiyawu kajukumuu wahawu wabajumuu, li jokiil ŋáa’. Muñeˈe li kujow kukitten áyiiyawu wahawu wabajumuu feh.

Máciya 20:7

Kulokaabuku li koonool: «Mata bajut an áŋaloli jijow jilokool.» Anáyinaawu li aaniil: «Yoo, kama bukuluul foof jijow jilok li bul̥ibabu búmbaam bata úbiiñawu.»

Hulimahu Hásuumaahu loon Lík akiic homuu 14:13

Bale ulakumuu sinaaŋ boot li ésuk, li úhooñul esukateenayi, kakajumuu, kajinkemuu li káfuumumuu.

Hulimahu Hásuumaahu loon Lík akiic homuu 14:20

Aahu li aan: «Likitekit li iyab anaale, mó mújimuu let iyili ibil.»

Hulimahu Hásuumaahu loon Lík akiic homuu 14:22

Li fiyo jatit, alokaawu li álaañul li aanool: «Anahaan, li kankaan wahawu wan oonommuu ikaan, bale baje síbahum sabajut bukan.»

Hulimahu Hásuumaahu loon Lík akiic homuu 14:24

Fan ilobuul, anoowan li bukanabuku kajandeenumuu kuhooñi, let acafen sinaaŋasu súmbaam!»

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 9:10

Muñeˈe nan kufootalaku kúlaañulumuu, li kukitten Yéesu wahawu feh wan kukaanumuu. Yéesu li aŋaliil, min kuñako kujow kulako baleyiil li halaab hata ésuk yakee yan koone Betisayida.

Hulimahu Hásuumaahu loon Saŋ akiic homuu 9:39

Muñeˈe Yéesu li aan: — Libiibil li adunaayi inye mantee batiib li bubaj, min káfuumumuu kujuk, kajukemuu li kúfuum.

Eébulo 13:17

Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

Búhiisenumabu 19:15

Ekúndu yañeke li éfulumul li butumabu boola boot kútek bukanabuku kata sihetasu feh. Fan aŋa’ egol yata mañ min amatiil. Fan áluuhiil li buyinjaay báamak loon kúul̥ kata búbiiñ áluuheyimuu boot kakaan ébiiñ, min áhiisiil etindihuuñayi yáamakayi yata Ateemit ata sembe.

Búhiisenumabu 22:17

Buyinumabu li Abúwaawu li koon: «Ubil!» An ajamumuu wahawu unwu li aan foof: «Ubil!» An bahob bujokoolumuu li abil. An afañumuu malamu mata buloŋabu, li abil aŋa’ mo ban let acaam.