Hulimahu Hásuumaahu loon Lík akiic homuu 14:15 - Jola-Kasa

¹⁵ Nan akee li bukanabuku kalakomuu hutiñahu ajamumuu kulimaku unku, li aan Yéesu: — Awólo, anawu aanomuu li abil atiñ li Jáyiiyaju jata Ateemit!

Hulimahu Hásuumaahu loon Lík akiic homuu 14:15 Referencias Cruzadas

Máciya 25:10

Nan básungutaabu bábaamomuu kulakomuu ejowayi boot hunoomahu hata éduuliinayi, ábutowaawu li áŋejul. Básungutaabu hutokayi kafalemuu, li kunaboo li akila kunoken dán kukaanumuu ébutowayi. Nan kunokenumuu kuban, kámbiilaku li kubabi.

Máciya 8:11

Mó mújimuu, fan ilobuul kaanaku, bukan kameeŋe fan kubilumul Akiw li Jalaŋ, min kubah li buyinjaay bano li Abulaham, Isaak li Sakob li Jáyiiyaju jata Ateemit.

Hulimahu Hásuumaahu loon Lík akiic homuu 12:37

Awólo kulokaabuku kan anahaanawu ammuu li áliiŋul, li atookiil to mámooliwut! Li mal̥egenamu fan ilobuul, akila humumool fan asinja, ban li akaan kulokaabuku kubah, min akaaniil kutiñ.

Hulimahu Hásuumaahu loon Lík akiic homuu 13:29

Bukan fan kubilumul li ugebawu ubakiilawu wata etaamayi kubil kubah, min kutiñ li Jáyiiyaju jata Ateemit.

Hulimahu Hásuumaahu loon Lík akiic homuu 22:16

Mata, fan ilobuul, let ilaañen itiñ so boot yok hunakahu nan wahawu feh wan Faakayi elobumuu, wommuu li ubaj li Jáyiiyaju jata Ateemit.

Hulimahu Hásuumaahu loon Lík akiic homuu 22:30

Fan jitiñ li jihob li buyinjaayabu búmbaam li Jáyiiyaju júmbaam, ban li jibah li sifenjeŋ sata kúyii min jitiib utoŋawu kuŋen li úl̥ubaawu wata Isilayeel.

Búhiisenumabu 19:9

Muñeˈe amalakaawu li aanom: — Ukiic: Awólo, bukanabuku kahooñimuu boot hutiñahu hata sinaaŋasu sata ébutowayi yata Agálalaanawu. Ban li afamen aan: — Laalu kulimaku kata mal̥egen kata Ateemit.