Hulimahu Hásuumaahu loon Lík akiic homuu 13:11 - Jola-Kasa

¹¹ Li baj ló anaale an buyinum bajakut bújufoye min bukaanool ásomut simit kaat li síhaaji. Buyinumabu bajakutumu li bukaan anaalaawu ákujo ban ayilaat ál̥aalulo.

Hulimahu Hásuumaahu loon Lík akiic homuu 13:11 Referencias Cruzadas

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Maak 9:21

Muñeˈe Yéesu li agel̥l̥en atuubaawu ata añiilawu aanool: — Kábilum nay tóŋe kaanool loon muñowu? Atuubaawu ata añiilawu li aan Yéesu: — Okila añiil atit tóŋe kaanool mo.

Hulimahu Hásuumaahu loon Lík akiic homuu 13:12

Nan Yéesu ajukumuu anaalaawu, li áhooñulool ban li aanool: — Anaale, lufake li kásomutaku kooli.

Hulimahu Hásuumaahu loon Lík akiic homuu 13:16

Ban anaalaawu umme, aanomuu bubukoolum bata Abulaham, ban Sayitaane li ajokool ajenk simit kaat li síhaaji, waa aateenut afakeni li hunakahu hata húyiiyaay?

Hulimahu Hásuumaahu loon Lík akiic homuu 21:28

Nan wahawu unwu wommuu li útoŋ ubaj, jiyito ban jíl̥aalulo, mata kafakaku kooluul kúkoojulo.

Hulimahu Hásuumaahu loon Lík akiic homuu 8:2

li foof kanaale kakee kan akesoole uyinum wajakut úfu’ li buko, li kan afakene li úsomut: Mali aaneyimuu Mali Madala, an Yéesu akesoomuu uyinum wajakut woono hutok li úl̥uba úfu’ li okila.

Hulimahu Hásuumaahu loon Lík akiic homuu 8:27

Nan Yéesu áwalowumulomuu li busaanaabu, ánayine akee áfulumulo li ésukayi, an uyinum wajakut újufoye li abil kufam. Fiyofiyo ŋáa’ nan ánayinaawu ummu akate kakaano wañ, ban akinut li eluuf, bale li ajow akin li kuyaak kawoki li kugisa.

Hulimahu Hásuumaahu loon Lík akiic homuu 8:43

Muñeˈe li baj to anaale akee áfululo huña ban afosowut ho jow baj simit soono kuŋen li síl̥uba. Anaalaawu li aban wahool feh bata kubuntenaabuku, bale an li buko ayilaatool afaken.

Bakaanelabu 3:2

Muñeˈe li baj ánayine akee abobowe, anaake abah akooj kámbiilaku kata Eluufayi yata Ateemit kan koonemuu «Kámbii Kajake.» Anáyinaawu ummu kábilum nan abukimuu labobowe. Hunakoohunak li kútebul ánayinaawu abobomuu kujow kuwalen tin kámbiilaku, bánum li ayili al̥aw sídalam bukanabuku kanokenemuu li Eluufayi yata Ateemit.

Bakaanelabu 4:22

Simitasu sata ánayinaawu an kufakenumuu jáahaleni, sihaŋe kúyii kúl̥uba.