Hulimahu Hásuumaahu loon Lík akiic homuu 11:9 - Jola-Kasa

⁹ «Yoo, ínje boot min eenuul: Jil̥awumuu, fan kusenuul. Jiŋesumuu, fan jijuk. Jikonkongenumuu, fan kúbabuluul.

Hulimahu Hásuumaahu loon Lík akiic homuu 11:9 Referencias Cruzadas

Máciya 21:22

Ban wahoowah feh wan jil̥awe Ateemit li káyinen ló, fan jibaj wo.

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 6:29

Bale fan eenuul, maayeet áyiiyawu Salomoŋ humumool, li máyiineniyamu moola feh, akokowut jak loon yano li élunfenayi inyu.

Maak 11:24

Wahawu unwu újimuu boot min eenuul: Wahoowah feh wan jil̥awe Ateemit, jíyinen joon jibaj wo jiban, fan ulako wooluul.

Maak 13:37

Wahawu wan ilobemuu li bukuluul li wo, bukanabuku feh lilob womuu: Jakum jímooli.

Hulimahu Hásuumaahu loon Lík akiic homuu 11:10

Mata an al̥awumuu wah, fan abaj wo. An li aŋes wah, fan ajuk wo, ban an akonkongenumuu, fan kúbabulool.

Hulimahu Hásuumaahu loon Saŋ akiic homuu 14:13

Ban wahoowah wan jommuu li jil̥aw li kajawaku kúmbaam, fan ikaan wo, bájum Añiilawu li áhiis máyiineniyamu mata Atuubaawu.

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 15:7

Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

2 Kata Koolent 6:2

Li mal̥egenamu, Ateemit lansaan: «Nan taŋayi yajakumuu éliiŋumuu, lísooniyensooniyen kal̥awaku kooli. Nan hunakahu húliiŋumuu boot min ifakeni, lilambenilamben.» Jijanten! Muñeˈe taŋayi yajakumuu kayab kájiyaku kata Ateemit, éliiŋe; muñeˈe taŋayi nan Ateemit ammuu li kafaken bukanabuku, eŋeje.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 5:15

Kunahaanaku kata ejanguwayi kúyinenumuu kaanaku anawu ummu ásomutumuu fan afak, mal̥egen fan afak. Ban Amaaŋenawu fan asenool kásuumaay. Ban foof nokoomuu loon lakankaan kahoofoo, Ateemit fan abonketool ko.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.

Búhiisenumabu 2:24

«Bale bukuluul jata Tiyatiil jasaŋomuu, jijantenut kulimaku kajakutumuu kan kuliikenemuu ésukayi, ban jiliikenut wahawu wan bukanabuku umbuku kuyinoomuu li koon wo wommuu “Wahawu wayolomuu wata Sayitaane”. Boot min eenuul ilet li ilaañen ikaanuul búteb bakee.