Hulimahu Hásuumaahu loon Lík akiic homuu 11:4 - Jola-Kasa

⁴ Ubonket uhoofoolawu wóololi, mata áloli húmumoli jibonketebonket foof bukanabuku feh kafetumuu li áloli. Ban jakum úkatoli min jilo li jabunt.»

Hulimahu Hásuumaahu loon Lík akiic homuu 11:4 Referencias Cruzadas

Máciya 18:35

«Muñaˈa foof Atuubawom ata haatiya ammuu abil akaanuul, an li bukuluul bahoye babonket li buyinumool feh an atile li akila.»

Máciya 26:41

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Hulimahu Hásuumaahu loon Lík akiic homuu 11:5

Yéesu li alaañen aaniil: — Nokoomuu loon akee li bukuluul abaje abuke, ban li ajow bata abukewool ummu hukahu balite, ajow aanool: «Abuke, ucaagenom kúmbuulu kúhaaji,

Hulimahu Hásuumaahu loon Lík akiic homuu 13:4

Muñowu bukanabuku umbuku kaat li kúhaajiyaku kan eluufayi yagimbaayi yata Sílowe elolomuu emuk, jiyinooyinoo file li joon buko kuhaŋe uhoofoo bukanabuku feh kakinumuu Yeelusalem?

Hulimahu Hásuumaahu loon Lík akiic homuu 22:46

Yéesu li aaniil: — Wáa újiye li joono li kámooli? Jiyito jil̥aw jakum bil jilo li jabunt.

Hulimahu Hásuumaahu loon Lík akiic homuu 8:13

Etaamayi yata bagisaabu, yo yommuu bukanabuku kajamumuu Hulimahu hata Ateemit ban, li kuyab ho li ésuumansuum. Bale huyawut kuhaa’ li buko, min kúyinen maa jatit, li kukat bo káyinenaku kooliil nan sílaamasu sibilumuu.

Hulimahu Hásuumaahu loon Saŋ akiic homuu 17:15

Il̥awuti mata min úfuleniil li adunaayi, bale min ufooyiil li Majakutamu.

1 Kata Koolent 10:13

Sílaamasu san jibajumuu, so foof kukee kubajemuu. Bale Ateemit álobeliit aban li añak alaañ búsol, ban let akat min jilo li sílaam sahaŋuul sembe. Nan sílaamasu sommuu li jilowuul, fan asenuul sembe min jiyili jímuñ, li asenuul foof bútin min jífu’ lí só.

Kata Kolos 3:13

Jinaak jímuñoo, ban an li bukuluul bajumuu wah wan afaalool afete li akila li wo, li jibonketoo, loon Amaaŋenawu abonketuulumuu foof.

2 Kata Tesalonik 3:3

Bale Amaaŋenawu alobumuu kakaan wah, fan akaan wo, fan asenuul sembe ban li afooyuul li Majakutamu.

2 Tímote 4:18

Amaaŋenawu fan afakenom foof li majakut manooman, ban fan akaanom inoken li Jáyiiyaju.

Saak 2:13

Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.