Hulimahu Hásuumaahu loon Lík akiic homuu 11:36 - Jola-Kasa

³⁶ Nokoomuu loon eniilayi yooli feh ehiiteni, ban bajut tikee yo tan líme, fan elako li mawuŋe foof yo feh, loon nan ehiitum ejaaŋeneyimuu li mawuŋaamu mata yó.

Hulimahu Hásuumaahu loon Lík akiic homuu 11:36 Referencias Cruzadas

Máciya 13:52

Muñeˈe Yéesu li aaniil: — Mó mújimuu, anoowan aliikene bukanabuku eluwaayi yata Móyiis, abile alako ágoom ata Jáyiiyaju jata Ateemit, lanokoonokoo li anahaan ata eluuf, áfulenulo li ebajayi yoola, wah wawunkul li foof wah wahaan.

Máciya 5:15

Loon foof, an ayilaatumuu ayaben ehiitum aban li aŋa’ yo akaan li éking. Bale fan aŋa’ ehiitumayi akaan li yiil, min ehiiten bukanabuku feh kammuu li eluufayi.

Hulimahu Hásuumaahu loon Lík akiic homuu 11:35

Mo emmuu kama úkaanum, jakum bil mawuŋaamu maanomuu li awu, mulaañ élim.

Hulimahu Hásuumaahu loon Lík akiic homuu 11:37

Nan Yéesu alakomuu elobayi, Afaaliisiyeŋ li aanool ajow atiñ boola. Mal̥egen Yéesu li anoken bata Afaaliisiyeŋawu ajow abah boot hutiñahu.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

Eébulo 5:14

Bale búkuumenum bal̥aal̥e, bo bata kunahaan, kan uhaasumuu oon li bakaaneliil kuyilo kulaso min kuhaas wahawu wajakumuu li wajakutumuu.

Saak 1:25

Bale an ajukelumuu jak li eluwaayi yata Ateemit yanabaayi, yájimuu an li áfu’ li humiikeeleto, ban ajok yomuu jak min ajanten yo ban amojenut yo, min akaan loon elobumuu, anawu ummu Ateemit fan ásooniyen wahoowah feh wan ammuu akaan.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.