Hulimahu Hásuumaahu loon Lík akiic homuu 11:26 - Jola-Kasa

²⁶ Muñeˈe buyinumabu bajakutumuu li bulaañ bujow búŋalul uyinum wakee wajakut woono hutok li úl̥uba, wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu.

Hulimahu Hásuumaahu loon Lík akiic homuu 11:26 Referencias Cruzadas

Máciya 12:45

Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 23:15

«Katek kujow kulako li bukuluul jaliikenemuu ésukayi eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jiñaahoo li kusamuwaku feh, li etaamayi feh kakaan an áyinen li bútinabu booluul. Bale nan ammuu áyinen, li jikaanool ahaŋuul ñoono ñál̥uba malako añiil ata Sambun.

Hulimahu Hásuumaahu loon Lík akiic homuu 11:25

Nan bulaañumuu búliiŋ, li butook eluufayi mawuuweli, wahawu feh majoojeneli.

Hulimahu Hásuumaahu loon Lík akiic homuu 11:27

Muñeˈe nan Yéesu alakomuu elobayi loon muñowu, anaale akee li álobumul li tut búsukabu aanool: — Awólo, anaalaawu ahaletimuu ban li alaaheni!

Hulimahu Hásuumaahu loon Saŋ akiic homuu 5:14

Fúlum tó, Yéesu li atook ánayinaawu an afakenumuu, li Eluufayi yata Ateemit, li aanool: — Inti muñeˈe lufake, jakum ulaañen uhoofoo jakum bil wah wahaŋe másengi ubaji.

1 Saŋ 5:16

An ajukumuu atuyool okila li kakaan kahoofoo kaatut kújiwool li aket, laate al̥aw, ban Ateemit fan asen atuyool ummu buloŋ. Ilobut bukanabuku kakaanumuu uhoofoo waate újiyiil li kuket. Mata baje kahoofoo kájiye an li aket. Inti kahoofoo loon unku leenuul jil̥aw boot li ko.