Hulimahu Hásuumaahu loon Lík akiic homuu 10:7 - Jola-Kasa

⁷ Jilako li eluufayi inyu, min jitiñ li jihob wahawu wan kommu li kusenuul ló, mata aloka laate ayab bacaamool. Jakum jiwalen li eluuf ban li jiteb boot li yakee li ésukayi yanolayi.

Hulimahu Hásuumaahu loon Lík akiic homuu 10:7 Referencias Cruzadas

Maak 6:10

Yéesu li afamen aaniil: — Tanootan tan jommuu jijow jíliiŋ li kuyabuul li eluuf, li jilako ló boot yok nan jommuu li jífu’ tinatu untu.

Hulimahu Hásuumaahu loon Lík akiic homuu 10:6

Nokoomuu loon babbaj li eluufayi an ata kásuumaay, kásuumaayaku kooluul kujow kulako li okila. Li nokoo loon bajut, kásuumaayaku li kúlaañul kulako li bukuluul.

Hulimahu Hásuumaahu loon Lík akiic homuu 9:4

Jinokenumuu li eluuf li kuyabuul, li jílako ló boot yok nan jommuu jífu’ li ésukayi.

Bakaanelabu 16:15

Muñeˈe nan kúbatiisemuu Liidi boot li butoŋool ló ban, li áloboli min jijow boot boola áanoli: — Nokoomuu loon jijuujuk kaanaku líyinenyinen li Amaaŋenawu, li jibil jilako búmbaam. Muñeˈe li átuuŋoli min joon éehe’.

Bakaanelabu 16:34

Li aŋa’ Fool buko li Silaas ájowetum boola, ajow aseniil kutiñ. Afooyaawu humumool li butoŋabu boola, li kubaj ésuumahukow yáamak min kúyinenumuu li Ateemit.

Bakaanelabu 16:40

Nan Fool buko li Silaas kúfulumuu li hukul̥ahu, li kujow boot bata Liidi. Li kujukoo li kutuyiil feh min kuwankuleniil kuban, li kujow.

Kata Galasi 6:6

An an kuliikene Hulimahu, laate asen jakee li wahawu feh wan abajumuu, anawu aliikenemuu li akila.

1 Tímote 5:13

Ban foof, kubajutumuu bulok kakaan, li kunaak kunoonoo siluufasu. Bale wahawu wahaŋumuu májakaati, inti mata min kubajumuu bulok kakaan, bale élobulayi yameeŋaayi, elob waleewalet, ban li kunaak kulob silob satookutiil.

2 Tímote 2:6

Awañaawu alokumuu súf, akila ammuu ajand abaj joola li ecacayi.