Hulimahu Hásuumaahu loon Lík akiic homuu 10:37 - Jola-Kasa

³⁷ Anáyinaawu aliikenemuu ésukayi eluwaayi yata Móyiis li aan Yéesu: — Anáyinaawu akaanoolumuu majake. Muñeˈe Yéesu li aanool: — Ujow, ban li ukaan awu humumi foof loon okila.

Hulimahu Hásuumaahu loon Lík akiic homuu 10:37 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 23:23

«Katek kujow kulako li bukuluul, jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jisen Ateemit bújufabu bata banuunukenabu baciiŋowemuu loon baaneyimuu: naana, búyil̥en, li édute. Bale fan jikat bo wahawu wan Eluwaayi yata Móyiis ehaŋumuu maluuken wammuu: buloŋabu ban Ateemit afañumuu, káyiyen, li kal̥egen li káyinenaku. Wahawu unwu jooteenumuu jikaan, ban jakum jikat bo wah waawu.

Hulimahu Hásuumaahu loon Lík akiic homuu 10:36

Yéesu li agel̥l̥enool aanool: — Muñowu li kayinooli, ayi li kánayinaabuku umbuku kúhaaji, aanomuu afaal ánayinaawu an kál̥afutumuu kutekumuu?

Hulimahu Hásuumaahu loon Lík akiic homuu 10:38

Muñeˈe Yéesu li alako ejow li bútin li kúgoomaku koola ló, li anoken ásuk akee. Anaale akee an koone Maaluta, li ayab Yéesu boola.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.