Hulimahu Hásuumaahu loon Lík akiic homuu 10:17 - Jola-Kasa

¹⁷ Muñeˈe kúgoomaku kúyii kúhaaji li kúŋen li kúl̥ubaaku kan Yéesu aboñumuu, li kúlaañul li ésuumahukow ló. Li kunaak koon: — Anahaan, maayeet uyinumawu wajakutumuu útuulolituul, nan jinaake joon womuu úfu’ li bukanabuku li kajawaku kooli.

Hulimahu Hásuumaahu loon Lík akiic homuu 10:17 Referencias Cruzadas

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Hulimahu Hásuumaahu loon Lík akiic homuu 10:1

Nan fú’ tómuu, Amaaŋenawu li al̥us kúgoom kukee koono kúyii kúhaaji li kuŋen li kúl̥uba. Ban li aboñiil kúl̥ubal̥uba kujow ló boot li sísukasu feh, li tinootin tin akila humumool áami li ajow.

Hulimahu Hásuumaahu loon Lík akiic homuu 10:20

Bale jakum ésuumansuum elako li bukuluul min uyinumawu wajakutumuu útuuluulumuu. Esúumansuum yoote elako li bukuluul min ujawawu wooluul ukiicimuu li emitayi.

Hulimahu Hásuumaahu loon Lík akiic homuu 10:9

Jifaken kásomutumuu li ésukayi inyu, ban li joon bukanabuku kakin dómuu: «Jáyiiyaju jata Ateemit jíkoojuluul.»

Hulimahu Hásuumaahu loon Lík akiic homuu 9:1

Yéesu li áhooñul kúgoomaku koola kuŋen li kúl̥uba kubil kuwoog, min aseniil sembe li kayile kata kakesoo uyinumawu wajakutumuu li kata kafaken bukan kásomute.

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

Kata Efées 5:24

Mó mújimuu, loon Ejanguwayi étuulumuu Kilisita, mo foof kaalaabuku kóotimuu kútuul kúyiniil li wahoowah feh.