Hulimahu Hásuumaahu loon Lík akiic homuu 1:35 - Jola-Kasa

³⁵ Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 1:35 Referencias Cruzadas

Máciya 1:18

Muñeˈe Yéesu Kilisita abukimuu eeno. Jaawool Mali, ánayine akee an koone Suseef aŋesool boot huyab. Muñeˈe, Mali li ahalet kútowum kukin li Suseef, li búkaanum bata Buyinumabu Banabaabu.

Máciya 1:20

Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.

Máciya 14:33

Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Maak 1:1

Muñeˈe Hulimahu Hásuumaahu hata Yéesu Kilisita ammuu Añiilawu ata Ateemit, húkitummuu.

Maak 1:24

— Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi. Awu ommuu Anawu anabaawu an Ateemit áboñulumuu.

Hulimahu Hásuumaahu loon Lík akiic homuu 1:27

bata ásungute ahaasut ánayine an ánayine akee an koone Suseef li bubukoolumabu bata áyiiyawu Dayit, aŋese boot huyab. Asúngutaawu ummu kajawool Mali.

Hulimahu Hásuumaahu loon Lík akiic homuu 1:34

Mali li aan amalakaawu: — Kama buu wahawu unwu woote uyili ubaj, ínje jahaasutumuu ánayine?

Hulimahu Hásuumaahu loon Lík akiic homuu 1:36

Elisabet humumool ammuu ani, lahalete ban fan abaj añiil áyine, maayeet min ahallenumuu. Akila an kunaake koonumuu let ayili ajam huhaane, ummu muñeˈe li hul̥eeñool hutoken li hano.

Hulimahu Hásuumaahu loon Saŋ akiic homuu 1:34

Ban ínje humumom lijuke wahawu unwu li kúkilom, ban leene ánayinaawu ummu ammuu Añiilawu ata Ateemit.

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Efées 2:3

Naanaŋ, ololaal foofolaal feh lunaanaak ukaanaal foof loon bukanabuku umbuku. Lunaanaak uloŋaal buloŋ bajakut, naboo li kásiibowaku kata bóonowabu boololaal. Li unaak foof ukaanaal wahawu wajakutumuu wan eniilayi yoololaal efañumuu, ban li ubilumul li uyinoolawu woololaal. Bóonowabu boololaal umbu bajakutumuu bújimuu Ateemit laateen awuñetolaal loon lawuñetumuu bukan kaabuku feh.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.