Hulimahu Hásuumaahu loon Lík akiic homuu 1:32 - Jola-Kasa

³² Fan alako an áamak, ban fan kuhooñool Añiil ata Ateemit ata Haatiya. Amaaŋenawu Ateemit fan asenool efenjeŋayi yata jáyiiyaju jata atuubawool ahaan Dayit.

Hulimahu Hásuumaahu loon Lík akiic homuu 1:32 Referencias Cruzadas

Máciya 1:1

Ujawawu wata situuba Yéesu Kilisita sihaan, wo wommuu unwe. Yéesu Kilisita añiil ata bubukoolum bata Dayit. Dayit bubukoolum bata Abulaham.

Máciya 12:42

Li Hunakahu hata Batiibabu, Aseekenawu ata etaamayi yan koonemuu Seeba, fan ayito hákil bukanabuku kata muñeˈe min alob buu kuhoofoomuu eeno. Mata labilumbilum ban lóyiye ŋáa’, abil ajanten bújallowabu bata Salomoŋ. Ban baje taate wah wahaŋe Salomoŋ.

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Máciya 3:11

Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.

Maak 14:61

Bale Yéesu abagut. Alámbaawu ahaanawu li alaañen agel̥l̥enool aanool: — Awu ommuu Afakenaawu, Añiilawu ata Ateemit asaleyimuu?

Maak 5:7

ban li alob butiya aan: — Yéesu, Añiil ata Ateemit ata Haatiya, waa lufañe lí ínje? Liyaaki li kajawaku kata Ateemit, jakum úlaatenom.

Hulimahu Hásuumaahu loon Lík akiic homuu 1:15

Mata fan alako an áamak hákil Amaaŋenawu. Let ahob bunuk, li ehob yanooyan yayilo ékaliyen. Buyinumabu Banabaabu fan bulako li akila ŋáa’ átowum abuki.

Hulimahu Hásuumaahu loon Lík akiic homuu 1:35

Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 1:76

Bale awu, añoolom, fan ubil uhooñi afulofet ata Ateemit ata haatiya, mata fan uyab Amaaŋenawu hákil min úhosul bútinabu boot li okila.

Hulimahu Hásuumaahu loon Lík akiic homuu 3:16

Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Hulimahu Hásuumaahu loon Lík akiic homuu 6:35

Bale bukuluul jíbooli kulatoolawuul. Jikaaniil majake. Jicaagen bukan, ban jakum jíkangum min kulaañenuul wahawu wan jicaageniilumuu. Jikaan momuu, fan jibil jibaj busuuhen báamak, ban fan jilako bañiil bata Ateemit ata Haatiya. Mata Ateemit lásunsuum li kahaasutumuu kalaañen kaŋen, li kál̥afutumuu.

Hulimahu Hásuumaahu loon Saŋ akiic homuu 12:34

Búsukabu li boonool: — Jijanjam wahawu walobimuu li éliibalayi yata eluwaayi laate ál̥aalumuli li etaam? Kama Añool-An ummu akila ammuu ayi?

Hulimahu Hásuumaahu loon Saŋ akiic homuu 6:69

Ban óloli, jíyinene ban jihaase joon awu ommuu anawu anabaawu ata Ateemit.

Bakaanelabu 16:17

Jísungutaaju unju li jinaak jínabul li Fool li óloli, mo jilobemaa butiya joon: — Kánayinaabuku umbuku kuloka kata Ateemit ata Haatiya tiya! Kubiibil min kúhiisuul bútinabu bata kafakaku!

Bakaanelabu 2:30

Bale Dayit lakankaan afulofet. Lahahhaas kaanaku Ateemit lanunnuu aanool: «Fan asen jáyiiyaju jammuu joola akee li bubukoolumabu boola, búsolool.»

Bakaanelabu 2:36

«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»

Bakaanelabu 7:48

«Bale Ateemit ata haatiya akinut li siluuf san kuŋen bukan kuteefe. Loon afulofetawu alobumuu:

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane: