Hulimahu Hásuumaahu loon Lík akiic homuu 1:20 - Jola-Kasa

²⁰ Ban muñeˈe fan ukumbo, ban let uyili úlobul boot yok hunakahu nan wahawu unwu wommuu li ubaj, mata úyinenut kulimaku kúmbaam kammuu li kubaj nan taŋayi yata ko yommuu li éliiŋ.

Hulimahu Hásuumaahu loon Lík akiic homuu 1:20 Referencias Cruzadas

Maak 16:14

Li húbanumahu, Yéesu li afu’ kúgoomaku kuŋen li ano, buko li hutiñ. Li awateteniil min kubajutumuu káyinen, li min kul̥aal̥umuu uyinum, mata kúyinenut li bukanabuku kajukoolumuu nan ayitowulomuu li eketayi.

Maak 9:19

Yéesu li aaniil: — Huwaj, akila bukuluul! Jibajut káyinen! Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu.

Hulimahu Hásuumaahu loon Lík akiic homuu 1:19

Amalakaawu li aan Sakali: — Injé emmuu Gáabuliyeen. Injé ummu nanoonan hákil Ateemit, min inaak ilok boot li okila. Ateemit láboñulomboñul boot min ilob li awu min foof ilobi hulimahu unhe hásuumaahe.

Hulimahu Hásuumaahu loon Lík akiic homuu 1:21

No unnu, ésukayi li elako banaakabu bata Sakali, li esego min afiyowulo muñowu dán ñéyimuu li Eluufayi yata Amaaŋenawu.

Hulimahu Hásuumaahu loon Lík akiic homuu 1:22

Nan Sakali áfulumuu, ayilaat alob li buko. Li kúnaanum kaanaku babbaj wah wan ajuke dán ñéyimuu li Eluufayi yata Amaaŋenawu. Sakali li anaak aŋa’ kuŋenool min anaak alob li buko. Ayilaat álobul.

Hulimahu Hásuumaahu loon Lík akiic homuu 1:45

Awólo, awu jáyinenumuu kaanaku wahawu wan Amaaŋenawu alobimuu fan ubaj.

Hulimahu Hásuumaahu loon Lík akiic homuu 1:64

Yan no unnu, Sakali li ayili alaañen álobul. Li alako to kasal Ateemit butiya.

Kata Lom 3:3

Muñeˈe waa? Mantee min kukee li Kusuwifaku kul̥egenutumuu li káyinenaku kooliil, mo mommuu li múji Ateemit li ál̥egenaati li kulimaku kan alobumuu?

2 Tímote 2:13

Ulobaalumuu wah ban li úhoolowaal, Akila áhoolowut, Mata ayilaat alob aban li áhooguloolo akila humumool.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

Búhiisenumabu 3:19

Injé fan italen ban li icolen bukanabuku feh kan ifañumuu. Mó mújimuu, loote ukaan manooman, min útiiwo uŋa’ buloŋ buwunkul.