Hulimahu Hásuumaahu loon Lík akiic homuu 1:2 - Jola-Kasa

² Kukittenkitten wahawu wabajumuu loon bukanabuku humumiil kamaat womuu li húkitumahu, kukittenolaal womuu. Bukanabuku umbuku muñeˈe kuwaaleya kata Hulimahu hata Ateemit.

Hulimahu Hásuumaahu loon Lík akiic homuu 1:2 Referencias Cruzadas

Maak 1:1

Muñeˈe Hulimahu Hásuumaahu hata Yéesu Kilisita ammuu Añiilawu ata Ateemit, húkitummuu.

Maak 16:20

Mal̥egen kúgoomaku li kujow kuwaale Hulimahu Hásuumaahu tanootan. Amaaŋenawu li álokum li buko, min áhiis kaanaku kulimaku kan kulobemuu mal̥egen, li búhiisenum bájaahaleniye banaake bunaboo li ko.]

Maak 4:14

Abetaawu ata sígulasu, okila hulimahu hata Ateemit lal̥uke.

Hulimahu Hásuumaahu loon Lík akiic homuu 24:48

Bukuluul jimaatumuu wahawu unwu.

Hulimahu Hásuumaahu loon Saŋ akiic homuu 15:27

Ban bukuluul foof fan jilob bukanabuku múmbaam, mata nan ítoŋumuu bulokabu búmbaam boot muñeˈe, bukuluul jumbuku lí ínje.»

Hulimahu Hásuumaahu loon Saŋ akiic homuu 16:4

Lilobuulob mo ikat to bájum nan taŋayi inyu yommuu li éliiŋ, li jíwayil̥o joon lilobeenuulob mo. — Ilobutuul mo yaan no li húkitumahu, mata li bukuluul lilakowe.

Bakaanelabu 1:3

Nan Yéesu aketumuu aban, li áfu’ Kufootalaku kunak koono kúyii kúl̥uba. Láfuliifu’ min áhiisiil ñameeŋe kaanaku li mal̥egenamu akila ummu li buloŋ, ban li alobiil mata Jáyiiyaju jata Ateemit.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 14:25

Li kuwaale Hulimahu hata Ateemit li ésukayi yan koonemuu Feelus kuban, li kújowum to boot li ésukayi yata Atali.

Bakaanelabu 16:6

Buyinumabu Banabaabu li buhi’ Fool buko li Silaas kúwaalewum Hulimahu hata Ateemit li etaamayi yata Aasi. Muñeˈe li kújowum li etaamayi yata Filiisi li yata Galasi.

Bakaanelabu 17:11

Kusuwifaku kata Beele kuhaŋ mabaj uyinoo wajake kata Tesalonik, ban li kuhi’ li kayab Hulimahu hata Ateemit. Hunakoohunak li kujuke li Hulimahu hata Ateemit min kujuk mantee wahawu wan Fool alobumuu mal̥egen.

Bakaanelabu 26:16

Bale úl̥aalulo min uyito. Lífulifu’ boot min iŋali ikaan alokawom. Fan ulako an áami li alob múmbaam bukanabuku, min uhebiil buu lujukommuu síyaat, ban li ulobiil foof wahawu wan emmuu li ilaañen íhiisi.

Bakaanelabu 4:20

Mata áloli jiyilaat jikat balobut wahawu wan jijukumuu, li wan jijamumuu.

Bakaanelabu 8:4

Muñeˈe bukanabuku káyinenumuu kan kuyiisumuu, li kunaak kujow li sísukasu feh min kuwaale Hulimahu Hásuumaahu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

1 Kata Koolent 4:1

Joote kama jíjokoli loon kuloka kata Kilisita, kan asene bútebabu bata elob mata mal̥egenamu mata Ateemit mahaasutimuu.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

2 Fiyeel 1:16

Li mal̥egenamu, inti eeniseen li ukoŋ wajuul̥i li eseele, áloli jíjowume min jíhiisuul ebilayi li sembe yata Amaaŋenawu, bale áloli húmumoli jijuujuk maluukamu moola li kúkiloli.