Hulimahu Hásuumaahu loon Lík akiic homuu 1:17 - Jola-Kasa

¹⁷ Fan abil ló áyabul hákil Ateemit, li buyinumabu, li sembaasu sata afulofetawu Elí, min akaan bañiilabu li situubayiil kubaj hujamoo, min álaañenul kátuulutumuu Ateemit kubaj bújallo loon bata bukan kacole. Fan afale bukan boot kayab Amaaŋenawu.

Hulimahu Hásuumaahu loon Lík akiic homuu 1:17 Referencias Cruzadas

Máciya 11:14

Jifañumuu min jíyinenom, jihaas joon Saŋ ammuu Elí an ebilayi yoola elobi nomuu.

Máciya 14:4

Elod lakankaan mo, mata Saŋ laanoosaan: — Loon Eluwaayi yata Móyiis elobumuu, colut min uŋa’ Elodiyaas ukaan aseeki.

Máciya 3:3

Esay ammuu afulofet, lalollob mata Saŋ aan: — Laale hulimahu hata anawu abaŋulowemuu li kayiinaayaku aan: «Jíhosul bútinabu boot li Amaaŋenawu! Jikaanool útin wacole!»

Máciya 3:4

Búkokowabu bata Saŋ, buhal eñonkom búkaanumi. Ban li anaak akoko kanaal kata kabaŋ li hukenjool. Saŋ bakos li múkum lanaake atiñ.

Hulimahu Hásuumaahu loon Lík akiic homuu 1:16

Fan álaañenul kuñiil kameeŋe kata Isilayeel boot bata Amaaŋenawu Ateemit ooliil.

Hulimahu Hásuumaahu loon Lík akiic homuu 1:76

Bale awu, añoolom, fan ubil uhooñi afulofet ata Ateemit ata haatiya, mata fan uyab Amaaŋenawu hákil min úhosul bútinabu boot li okila.

Hulimahu Hásuumaahu loon Saŋ akiic homuu 1:13

Inti li húsim hata an, inti li kásiibo kata an, mantee foof li húnongum hata ánayine li anaale kóomum bañiil bata Ateemit, bale li húnongum hata Ateemit humumool kóomum bó.

Hulimahu Hásuumaahu loon Saŋ akiic homuu 1:34

Ban ínje humumom lijuke wahawu unwu li kúkilom, ban leene ánayinaawu ummu ammuu Añiilawu ata Ateemit.

Hulimahu Hásuumaahu loon Saŋ akiic homuu 3:28

Bukuluul humumuul jimaate nan eenumuu: «Ilet Afakenaawu, bale kúboñulomboñ íyabulool hákil.»

Bakaanelabu 10:33

Muñeˈe li iyaan iboñ bukan kujow kúhooñuli, ban mo foof lukaanumuu jak min ubil. Muñeˈe ololaal feh ummuwaal taate hákil Ateemit, boot bajanten wahawu feh wan Amaaŋenawu áboñulimuu boot ubil úloboli.

Kata Lom 9:23

Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola.

Kata Kolos 1:12

Jisal Ateemit Atuubaawu li ésuumansuum ló, akaanuulumuu min jiyili jibaj jooluul li wahawu wajakaawu wan ahahenumuu boot li bukanabuku koola li Jáyiiyaju jata mawuŋaamu.

2 Tímote 2:21

An asikowumutumuu li wahawu unwu wajakutumuu wan ilobuulumuu mata wo, anawu fan anokoo li búgoloolumaabu bata éwulusayi. Lasenoolosenoolo Ateemit ammuu anahaanawu oola, ban li abaj jáliŋ li akila, min áami to boot kakaan wahoowah feh wajake.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Saŋ 2:28

Kuñoolom, muñeˈe jítuk hujamoolahu hooluul li Kilisita lit, bilum eeno nan ammuu li abil li ubajaal kákangum, ban let ubajaal ñisuu hákilool li hunakahu nan ammuu li álaañul.

Búhiisenumabu 20:4

Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.