Kata Lom 9:7 - Jola-Kasa

⁷ Ban foof bubukoolumabu bata Abulaham inti foof bo feh bóomi bañoolool bata mal̥egen, mata Ateemit lansaan Abulaham: «Bañiilabu ban ilobumuu kaseni, li Isaak lóomimuu li úbajumiil.»

Kata Lom 9:7 Referencias Cruzadas

Máciya 3:9

Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku, Ateemit layilo áfulenumul li kuyitikaku unku bañiil bata Abulaham!

Hulimahu Hásuumaahu loon Lík akiic homuu 16:30

Anáyinaawu abajumuu li aan: «Faafa Abulaham, wahawu unwu bale ufitut. Nokoomuu loon an li kaketumuu ajowe alobiil, fan kubet búsol buloŋiil buhaan bajakutumuu min kútiiwo kuŋa’ buloŋ buwunkul.»

Hulimahu Hásuumaahu loon Lík akiic homuu 3:8

Muñeˈe kama jikaan majake, min jíhiis kaanaku jibabbaj buloŋ buwunkul. Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku Ateemit layilo áfunnumul li kuyitikaku unku bañiil bata Abulaham!

Hulimahu Hásuumaahu loon Saŋ akiic homuu 8:33

Li koonool: — Alóli bubukoolum Abulaham joom, ban bilut líiŋ nakee li jilako emiikeel yata an. Buu kaane li óonoli fan jífu’ li humiikeeleto?

Kata Galasi 4:23

Añiilawu an Abulaham abukumuu li Agaal ammuu amiikeel, labukibuk loon an abukeyimuu, bale añiil aahu an abajumuu li Saala aletumuu amiikeel, labajoobaj mata Ateemit humumool afin min alobe kasenool o’ Abulaham.

Kata Galasi 4:28

Kutuyom, muñeˈe bukuluul bañiil joom ban Ateemit alobe kasen, loon Isaak.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

Eébulo 11:18

Ateemit lansaan Abulaham: «Li Isaak lóotummuu ubaj bubukoolumabu ban ilobumuu kaseni.»