Kata Lom 8:9 - Jola-Kasa

⁹ Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

Kata Lom 8:9 Referencias Cruzadas

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Saŋ akiic homuu 14:17

Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.

Hulimahu Hásuumaahu loon Saŋ akiic homuu 14:23

Yéesu li aanool: — An afañommuu, fan aŋa’ hulimahu húmbaam akaan li buyinumool, ban li aloŋ loon hulobumuu. An akaan momuu, Atuubawom fan afañool. Injé li Atuubawom fan jibil boola, min jikin bo.

Hulimahu Hásuumaahu loon Saŋ akiic homuu 3:34

Anawu an Ateemit aboñulomuu, kulimaku kata Ateemit lalobe, mata Ateemit lasenoosen ŋáa’ Buyinumabu boola.

Hulimahu Hásuumaahu loon Saŋ akiic homuu 3:6

An abukumi li Buyinumabu Banabaabu, fan alako buyinum.

Bakaanelabu 16:7

Nan kujowumuu kulehen etaamayi yata Miisi, li kufañeen min kujow boot Bitini, bale Buyinumabu bata Yéesu bukatutiil min kujow.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:11

Nokoomuu loon Buyinumabu bata Ateemit ayitenumulomuu Yéesu Kilisita li eketayi, bumbu min bukine li bukuluul, Ateemit ayitenumuloomuu li eketayi fan ájowum li Buyinumabu umbu Banabaabu bakinumuu li bukuluul, min asen buloŋ eniilayi yooluul yammuu li ebil eket.

Kata Lom 8:2

Li mal̥egenamu, eluwaayi yata Buyinumabu Banabaabu yasenemuu buloŋ babilumulo li hujokoolahu hoololaal li Yéesu Kilisita, efakenolaafaken li kuŋen kata eluwaayi yata kahoofoolaku, li eketayi.

1 Kata Koolent 15:23

Bale anoowan labaje tan ayitomuu li kacaal̥aku: Kilisita ammuu átinaa li kayitowulaku li eketayi, ban bukanabuku kata Kilisita fan kuyitowumul li eketayi nan ammuu li álaañul.

1 Kata Koolent 3:16

Kama jihaasut joon bukuluul jommuu eluufayi yata Ateemit, imban Buyinumabu bata Ateemit li bukuluul bukine?

1 Kata Koolent 6:17

Bale an asenoolomuu boot li Amaaŋenawu, li kulako an ano li buyinum.

1 Kata Koolent 6:19

Kama jihaasut joon eniilayi yooluul yommuu eluufayi yata Buyinumabu Banabaabu báamimuu li bukuluul, ban Ateemit asenuulumuu? Jikiloolowut bukuluul humumuul.

2 Kata Koolent 10:7

Bukuluul jijuke wahawu loon woonomuu. An li bukuluul ayinoomuu li aan okila an ata Kilisita, alaañen ayinoo jak min ahaas aan: áloli foof bukan kata Kilisita joom loon akila humumool.

2 Kata Koolent 6:16

Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu: «Fan ikin, ban li iloŋ li tutiil. Fan ilako Ateemit ooliil, ban buko fan kulako bukanabuku kúmbaam.»

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 2:22

Hujokoolahu hooluul li Kilisita hújimuu bukuluul foof li jóomi li bateefelabu, min jikaan eluuf li bukan kaabuku, dán Ateemit akinume li Buyinumabu Banabaabu.

Kata Efées 3:17

Lil̥awel̥aw loon muñaˈa, mantee Kilisita li akin li uyinumawu wooluul mata káyinenaku kooluul li akila kúji. Lil̥awe mantee li jibaj kuhaa’ kalite li húbooliyahu hooluul ban li jilit li ho,

Kata Fílib 1:19

Li mal̥egenamu, lihaase een wahawu unwumaa feh fan úbanum li kafakaku kúmbaam humum hata ul̥awawu wooluul li kalambenaku kata Buyinumabu bata Yéesu Kilisita kúji.

2 Tímote 1:14

Ujok jak, li búlambenum bata Buyinumabu Banabaabu bammuu li alolaal, wahawu wajakaawu wan kusenimuu ooken.

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.

1 Saŋ 3:24

An akaanumuu loon siluwaasu sata Ateemit silobumuu, anawu ummu li Ateemit laam nanoonan ban Ateemit ummu nanoonan foof li akila. Buyinumabu Banabaabu ban asenolaalumuu bó bújimuu li uhaasaal oonaal Ateemit ummu li alolaal.

1 Saŋ 4:13

Ateemit lasenolaasen Buyinumabu boola. Muñowu lúhaasumaamuu oonaal alolaal ummuwaal nanoonan li Ateemit ban okila ummu nanoonan li alolaal.

1 Saŋ 4:4

Kuñoolom, bukuluul bukan kata Ateemit joom ban jiheeheek kámalumuu koon kufulofet koom; mata Buyinumabu bata Ateemit bammuu li bukuluul buhaŋe sembe buyinumabu bata Alatoolaawu ata Kilisita bammuu li adunaayi.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 20:15

Muñeˈe an kajawool kukiicutimuu li éliibalayi yata buloŋabu, li kubetenool li buwokaayabu bata sambunasu.