Kata Lom 8:7 - Jola-Kasa

⁷ Wahawu unwu újimuu, bukanabuku kan kásiibowaku kata eniilayi kuhaŋumuu sembe kulatoola kata Ateemit koom. Kúkaaneliit loon eluwaayi yata Ateemit elobumuu, ban kufinut min kuyilo kukaan mo.

Kata Lom 8:7 Referencias Cruzadas

Máciya 12:34

Sil̥aal̥akase! Buu eete kaan li jiyili jilob majake bukuluul jajakutumuu? Mata wahawu wammuu li buyinumabu, wo butumabu búlobewulumuu.

Máciya 5:19

Wahawu unwu újimuu, an átuulutumuu maayeet eluwaayi yahaŋumuu matiti li siluwaasu unsu, ban li aliiken kaabuku kátuulaati eluwaayi, anawu ummu ammuu ahaŋ matiti li Jáyiiyaju jata Ateemit. Bale an átuulumuu eluwaayi ban li aliiken kaabuku kátuul yó, anawu ummu fan alako an áamak li Jáyiiyaju jata Ateemit.

Hulimahu Hásuumaahu loon Saŋ akiic homuu 7:7

Bukanabuku kata adunaayi kuyilaat kulatuul, bale ínje kulatonlat mata líhiisehiis kaanaku bakaanelabu booliil bujakut.

Kata Lom 1:28

Emmuu bukanabuku kuyinoolut kahaas li mal̥egen Ateemit, wahawu unwu újimuu Ateemit li akatiil min kunab li uyinoolawu wooliil wacolutumuu, min kunaak kukaan wahawu wan kooteenutumuu kukaan.

Kata Lom 1:30

Li baj li buko kúloboo, ban li koono kulatoola kata Ateemit. Li kuwel utum, li kuteben ubandiil, ban li kunaak kusaloolo, ban li kuyili kajuul̥ bakaane bajakut. Kútuuleliit sibukoolayiil.

Kata Lom 3:31

Muñeˈe waa, mantee boot min úfulenaal jáliŋayi yata eluwaayi humum hata káyinenaku? Maayeet, bale boot min usenaal eluwaayi jáliŋ yata mal̥egen.

Kata Lom 5:10

Li mal̥egenamu, naanaŋ alolaal kulatoola kata Ateemit lulakoweenaale, bale li ájowum li eketayi yata Añoolool min akaanolaal ubajaal kajamoo li akila humumool. Muñeˈe emmuu lubajaale kajamoo li akila, kama fan ájowum li buloŋabu bata Añoolool min afakenolaal.

Kata Lom 7:22

Kata láalawom, eluwaayi yata Ateemit ésuumonsuum ŋáa’.

Kata Lom 8:4

Ateemit lakankaan loon muñaˈa mantee macolamu man eluwaayi elobumuu mata mo, li mubaj li alolaal jáloŋeliitaamuu naboo li bóonowabu boololaal, bale jaloŋaalemuu loon Buyinumabu Banabaabu bufañumuu.

1 Kata Koolent 2:14

An abajutumuu Buyinumabu bata Ateemit let ayili ayab mal̥egenamu mabilummuu li Buyinumabu umbu. Mal̥egenamu ummu mulakolako bul̥uuhoo boot li anawu ummu. Ayilaat mo ánaanum, mata Buyinumabu bale bukaane mo an ánaanum.

1 Kata Koolent 9:21

Li manolamu, ilakomuu li bukan kahaasut eluwaayi yata Móyiis, fan iloŋ loon kuloŋemuu, ban let ijuke li eluwaayi inyu yata Móyiis, mantee li iŋaliil boot li Yéesu Kilisita. Inti eeniseen mantee ínje ítuulut eluwaayi yata Ateemit, mata likaanekaan loon eluwaayi yata Kilisita elobumuu.

Kata Kolos 1:21

Naanaŋ bukuluul jíloyiyenloyi Ateemit ban li jilako kulatoolawool, mata uyinoolawu wooluul ujakut, bakaanelabu booluul foof bujakut.

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

2 Tímote 3:4

Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit.

Eébulo 8:10

Amaaŋenawu li afamen aan: «Húfaalumahu han ínje emmuu li ijok kata Isilayeel, nan kunakaku unku kommuu li kuban, ho hommuu unhe: Fan iŋa’ siluwaasu súmbaam ikaaniil li uyinum, ban li iŋa’ so ikiic li sísigilasu sooliil. Fan ilako Ateemit ooliil, buko li kulako bukanabuku kúmbaam.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.