Kata Lom 8:5 - Jola-Kasa

⁵ Li mal̥egenamu, bukanabuku kaloŋemuu naboo li bóonowabu booliil, kuŋaŋŋa’ kayinooliil feh kukaan li wahawu wan eniilayi ésiibowemuu; bale bukanabuku kaloŋemuu naboo li Buyinumabu Banabaabu, buko kayinooliil feh li wahawu wan Buyinumabu Banabaabu bufañumuu koom.

Kata Lom 8:5 Referencias Cruzadas

Maak 8:33

Bale nan Yéesu átiiwowulumuu, li ajuke kúgoomaku koola, ban li awataten Fiyeel li sembe aanool: — Ulóyiyom, Sayitaane! Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Hulimahu Hásuumaahu loon Saŋ akiic homuu 3:6

An abukumi li Buyinumabu Banabaabu, fan alako buyinum.

Kata Lom 8:9

Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

1 Kata Koolent 15:48

Bukanabuku kabilummuu li etaamayi, kunokoonokoo li anawu an Ateemit ajuul̥ummuu li ekafayi yata etaamayi. Bukanabuku kammuu li kujow li emitayi kunokoonokoo li anawu abilummuu li emitayi.

1 Kata Koolent 2:14

An abajutumuu Buyinumabu bata Ateemit let ayili ayab mal̥egenamu mabilummuu li Buyinumabu umbu. Mal̥egenamu ummu mulakolako bul̥uuhoo boot li anawu ummu. Ayilaat mo ánaanum, mata Buyinumabu bale bukaane mo an ánaanum.

2 Kata Koolent 10:3

Mal̥egen, áloli bukan bale joom, bale jíloŋoliit loon bukanabuku kata adunaayi inye kuloŋemuu.

Kata Galasi 5:17

Li mal̥egenamu, wahawu wan eniilayi ésiibowemuu, úbute li wata Buyinumabu. Buyinumabu wahawu wan búsiibowemuu úbute li wata eniilayi. Buyinumabu búbutoobutoo ŋáa’ li eniilayi. Wahawu unwu újimuu, jiyilaat jinaak jikaan loon súumuulumuu.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

2 Fiyeel 2:10

háŋum bukanabuku kanabemuu li kásiibowaku kasetutumuu kata bóonowabu booliil, min kubes huhaanaahu hata Ateemit. Bukanabuku umbuku kúkangumoolokangumoolo, li kutebenoolo, ban kúkoliwut bagel búwuwenumabu báyiineniyaabu;