Kata Lom 8:32 - Jola-Kasa

³² Akila afanutumuu akat bo Añoolool humumool, bale li abetool li eket boot mata ololaal foofolaal feh: buu emmuu nokoo let asenolaal wahawu feh boot li Añoolool ló?

Kata Lom 8:32 Referencias Cruzadas

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Máciya 7:11

Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Kata Lom 11:21

Ateemit, afanumuu afalen waanawu wata búwoliibiyaabu bal̥ukimuu wammuu kusuwifaku, layilo foof afaleni abeten awu jammuu jaan jata búwoliibiye bata li bujal.

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

1 Kata Koolent 2:12

Alolaal uyabutaal buyinumabu bata adunaayi inye, bale Buyinumabu babilummuu li Ateemit luyabaale, bájum li uhaasaal wahawu feh wan Ateemit asenolaamuu.

2 Kata Koolent 4:15

Li mal̥egenamu, wahawu unwu feh wan áloli jímuñemuu lí wó, jímummuñ wó mata bukuluul jíji, mantee kájiyaku kata Ateemit li kunaak kugo bukan kahaŋe mameeŋ, min kasalaku kan ésukayi esalemuu Ateemit kújowum to kuhaŋ maluuk, boot li máyiineniyamu moola.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

2 Kata Koolent 6:10

Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.

1 Saŋ 4:10

Húbooliyahu ho hommuu unhe: inti ololaal úbooliyaale Ateemit, bale akila humumool ábooliwolaal, ban li áboñul Añoolool abil asen buloŋool bulako kasila min uhoofoolawu woololaal ubonketi.

Búhiisenumabu 21:7

An ammuu abaj kaheekaku, fan atowo wahawu unwu. Injé fan ilako Ateemit oola, akila li alako añoolom.