Kata Lom 8:30 - Jola-Kasa

³⁰ Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

Kata Lom 8:30 Referencias Cruzadas

Hulimahu Hásuumaahu loon Saŋ akiic homuu 17:22

Liseniisen máyiineniyamu man usenommuu, bájum li kulako an ano loon awu lí ínje oomamuu an ano.

Hulimahu Hásuumaahu loon Saŋ akiic homuu 17:24

«Faafa, awu usenomiil, ban lifañe tan emmuu li ibil ilako, li kulako to foof lí ínje, bájum li kujuk máyiineniyamu múmbaam. Máyiineniyamu man usenommuu, mata lufañonfañ tówum adunaayi ejuul̥i.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Kata Lom 1:6

Bukuluul foof jumbuku ló li bukanabuku umbuku, bukuluul jan Ateemit ahooñumuu boot min jilako bukan kata Yéesu Kilisita.

Kata Lom 11:29

Li mal̥egenamu, Ateemit ásenoliit wah aban li alaañen ayab wo, ban foof ábetoliit búsol bukan kan ahooñe.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:21

búwuwenumabu humum bo fan bubil bufak li kuŋen kata sembaasu sata kakajenaku sajok bomuu sikaan amiikeel, min bo foof bulako li máyiineniyamu mata bañiilabu bata Ateemit.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 1:9

Ateemit alobemuu aban li átuk tó, okila ahooñuulumuu min jibaj hujamoo li Añoolool Yéesu Kilisita ammuu Amaaŋenawu oololaal.

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

Kata Galasi 1:15

Bale Ateemit, li kájiyaku koola lal̥usumom ítowum ibuki, ban li ahooñom boot bulok boot li akila.

Kata Galasi 1:6

Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.

Kata Galasi 5:8

Katikenaku unku kubilumut li Ateemit ahooñuulumuu.

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.

Kata Efées 1:5

li ayinoo no ákibben kaanaku, fan ájowum li Yéesu Kilisita min akaanolaal ulakowaal bañoolool. Wahawu unwu lanongumuu min akaan, ban wo úsuumoolumuu.

Kata Efées 2:6

Hujokoolahu hoololaal li Kilisita hújimuu Ateemit li ayitenumulolaal li eketayi, ban li akaanolaal ubahaal tan Yéesu Kilisita abahumuu li emitayi.

Kata Efées 3:11

Wahawu unwu unaboonaboo li wahawu wan Ateemit afimmuu min ayinoole kakaan tówum ajuul̥ adunaayi, ban li ákaanum wó lí Yéesu Kilisita ammuu Amaaŋenawu oololaal.

Kata Efées 4:4

Alolaal jáyinenaamuu lunokoolaanokoo loon eniil yano ban baje Buyinum bano Banabe, mo foof bajumuu kákangum kano kan Ateemit ahooñuulumuu boot.

Kata Kolos 3:4

Kilisita ammuu buloŋabu booluul. Muñeˈe nan ammuu li álaŋul, no unnu bukuluul foof fan jílaŋoolul li akila li máyiineniyamu.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

2 Tímote 2:11

Kulimaku unke kulim kata mal̥egen: Uketoolaamuu li Kilisita, Fan úloŋumaal foof li akila,

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 19:9

Muñeˈe amalakaawu li aanom: — Ukiic: Awólo, bukanabuku kahooñimuu boot hutiñahu hata sinaaŋasu sata ébutowayi yata Agálalaanawu. Ban li afamen aan: — Laalu kulimaku kata mal̥egen kata Ateemit.