Kata Lom 8:26 - Jola-Kasa

²⁶ Li manolamu foof, Buyinumabu Banabaabu bulambenewolaalamben mata lúgootowaagooto. Li mal̥egenamu, uhaasutaal buu lootaalumuu unaak ul̥awaal eeno, bale Buyinumabu Banabaabu humum bo bul̥awel̥aw Ateemit boot li alolaal li kálund ló kan butum buyilaat bulob.

Kata Lom 8:26 Referencias Cruzadas

Máciya 10:20

Mata kulimaku kan jommuu li jilob let kubilum li bukuluul, bale fan kubilumul li Buyinumabu bata Atuubawuul.

Máciya 20:22

Yéesu li aaniil: — Bukuluul jihaasut waa jil̥awe li wo. Mantee jiyilo jihob ejunkayi yata sílaamasu yan ínje emmuu li ihob? Li koonool: — Jiyilo jihob yo.

Hulimahu Hásuumaahu loon Lík akiic homuu 22:44

Kásabali li kujokool, li ahaŋ mahanken min al̥aw. Egeenayi yoola li enokoo loon kusot kata húsim kálowule teetaam.]

Hulimahu Hásuumaahu loon Saŋ akiic homuu 14:16

Injé fan il̥aw Atuubaawu min asenuluul anattena akee, min alako li bukuluul boot nanoonan.

Kata Lom 15:1

Alolaal jabajaalumuu sembe li káyinenaku, lootaale ulambenaal kágootomuu li káyinenaku. Jakum uŋesaal wahawu wásuumolaamuu bale.

Kata Lom 7:24

Iyéno, ínje ál̥ahukowan! Ayimaa aate afakenom li eniilayi inye yammuu li éjowetumom li eket?

Kata Lom 8:15

Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

2 Kata Koolent 5:2

Ban muñeˈe min oomaalumuu li eniilayi yoololaal yata baabe li etaam, alolaal ummuwaal li buyina báamak mata lúsiibowaasiibo ŋáa’ min Ateemit akaanolaal eniilayi yoololaal yata li emitayi.

2 Kata Koolent 5:4

Muñeˈe nan oomaalumee li eniilayi inye yata baabe li etaam, alolaal ummuwaal min ubajaalemuu buyina báamak ban li úlaamaal ŋáa’. Let mantee lufañaafañ min úfulenaal eniilayi yammuu li ebil eket, bale lufañaale min ukaanowaal eniilayi yaatutumuu ebil eket, mantee buloŋabu li buniilen eniilayi yammuu li ebil eket.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.

Eébulo 5:2

Alámbaawu áamakawu layilo ánaanum bukanabuku kahaasutumuu wahoowah li kájimumuu, mata akila humumool lágootogooto.

Saak 4:3

Li jibil jil̥aw wah let jibaj wo, mata jíl̥aweliit li kayinoo kajake, ban wahawu wan jil̥awemuu fan jiŋa’ wo min jibaj wahawu wásuumuulumuu.