Kata Lom 8:23 - Jola-Kasa

²³ Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:23 Referencias Cruzadas

Hulimahu Hásuumaahu loon Lík akiic homuu 20:36

Fan kunokoo loon emalakaayi, ban let kuket. Buko fan kulako bañiil bata Ateemit, mata kuyitowuuyitowul li eketayi.

Hulimahu Hásuumaahu loon Lík akiic homuu 21:28

Nan wahawu unwu wommuu li útoŋ ubaj, jiyito ban jíl̥aalulo, mata kafakaku kooluul kúkoojulo.

Kata Lom 5:11

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.

Kata Lom 5:3

Li famen to foof ésuumansuumayi yan ubajaalemuu ololaal li sílaam, mata luhaasaale oonaal sílaam lakaanekaan an ayili húmuñ.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 7:24

Iyéno, ínje ál̥ahukowan! Ayimaa aate afakenom li eniilayi inye yammuu li éjowetumom li eket?

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

1 Kata Koolent 1:7

Mó mújimuu bajut káji kakee kata Ateemit kasaŋowuul, bukuluul jammuu li banaak nan Amaaŋenawu oololaal Yéesu Kilisita ammuu li álaŋul.

2 Kata Koolent 1:22

ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

2 Kata Koolent 7:5

Li mal̥egenamu, nan jíliiŋumuu Maseduwaan jibajut bo kayool̥o kanookan. Sílaam sanoosan jibabbaj so bo: úmuy tíyaŋ, ekole li elako li óloli.

Kata Galasi 5:5

Bale alolaal, kákangumaku koololaal ko kommuu min Ateemit akaanolaal ulakowaal bukan kacole hákilool humum hata káyinenaku koololaal. Wahawu unwu lukobaalemuu li wo, li búkaanum bata Buyinumabu Banabaabu.

Kata Efées 1:14

Buyinumabu Banabaabu bo búhiisumuu kaanaku Ateemit fan asenolaal wahawu feh wajakaawu wan alobumuu kasenolaal. Fan ubajaal wahawu unwu feh nan ammuu li afakenolaal bándoo. Kama usalaal máyiineniyamu mata Ateemit.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Fiyeel 1:7

Sílaamasu unsu soonosoono to boot kayoob mantee jil̥egenl̥egen li káyinenaku kooluul. Ewúlus eyilo ekajen, bale fan kukaan yo li sambun min kujuk mantee égiiwoolut li wah ukee. Muñowu káyinenaku kooluul kóotimuu kuyoobi. Kuhaŋe matiineni éwulus, bale fan kuyoobi foof min juk mantee kul̥egenl̥egen. Muñeˈe nan Yéesu Kilisita ammuu li abil, fan jibaj kábinken, kasal li máyiineni, humum hata káyinenaku kooluul kammuu kata mal̥egen.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.