Kata Lom 7:7 - Jola-Kasa

⁷ Kama muñowu boot min oonaal buu? Waa eluwaayi kahoofoo yoom? Maayeet! Bale eluwaayi éjimuu li ihaas kahoofoo. Li mal̥egenamu, let ihaaseen mata kásiibo wah eluwaayi baaneenut: «Jakum úsiibo wah walet wooli.»

Kata Lom 7:7 Referencias Cruzadas

Máciya 5:28

Bale ínje boot min eenuul, ánayine ajukelumuu anaale ban li ásiibowool, layaane ahinten anaalaawu ummu aban li buyinumool.

Hulimahu Hásuumaahu loon Lík akiic homuu 12:15

Yéesu li afamen aaniil feh: — Jijuke to ban li jíkaanum efanhubaj, mata buloŋabu bata mal̥egen bata an, bulet li ebajayi yoola, maayeet min akite abaj ŋáa’.

Hulimahu Hásuumaahu loon Lík akiic homuu 20:16

Fan abil, li amuk kulokaaku kata úbiiñawu min aŋa’ bul̥ibabu bata úbiiñawu asen kuloka kukee kooken. Nan bukanabuku kujamumuu kulimaku unku, li koon: — Ateemit jakum akat min wahawu úmus ubaj!

Bakaanelabu 20:33

Imelowut ehaaliis yata an, mantee éwulus yata an, mantee wañ wata akee.

Kata Lom 13:9

Li mal̥egenamu, siluwaasu saanumuu: «Jakum uhinto li an an jiyabowut, jakum umuk an, jakum úkuwet, jakum úsiibo jata an,» li foof siluwa saasu feh, li eluwaayi inye yanolayi soom foof so feh: «Ubóoli afaali an loon awu humumi úbooliwoolomuu.»

Kata Lom 3:20

Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.

Kata Lom 3:5

Bale nokoomuu loon mácolaatiyamu moololaal mommuu li múji macolamu mata Ateemit li muhaŋ majuki, fan oonaal buu? Inti Ateemit fan alako Ateemit acolut okila batekewolaal li etindihuuñayi yoola? (Lilollob loon an elobemuu.)

Kata Lom 4:1

Muñeˈe boot min uŋalaal bukittenoolum li Abulaham. Boot min oonaal buu mata Abulaham ammuu atuubawolaal ahaan? Waa labaje wabilumulo li akila humumool ammuu ál̥ahukowan?

Kata Lom 4:15

Li mal̥egenamu, eluwaayi éjiyemuu Ateemit li awuñet bukanabuku. Tan eluwa ebajut, káhoogul eluwa foof let kubaj to.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 6:15

Muñeˈe kama waa? Mantee min uletaalumuu li kuŋen kata eluwaayi min óomiyaal li kájiyaku kata Ateemit, mó mómmuu lí múji li unaak uhoofoolaal? Maayeet!

Kata Lom 7:11

Li mal̥egenamu, kahoofoolaku li kújowum li eluwaayi min kubuntom ban li kumukumom li yo.

Kata Lom 7:13

Kama wahawu wajakumuu ulanlaañ wóoti újiwom li iket? Maayeet! Kahoofoolaku kújiwommuu li éeti iket. Kahoofoolaku kújowunjowum li wahawu wajakumuu, min kújiwom li iket. Kuhoofoolaaku kukankaan mo min bóonowabu bata ko bata mal̥egen buyili buhaasi. Muñowu kahoofoolaku kújowummuu li eluwaayi min kuhaŋ májakaati feh.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Lom 7:8

Kahoofoolaku kúbajumbajum bútin li eluwaayi min kújiwom li ibaj kásiibo kanookan. Li mal̥egenamu, eluwaayi ebajeenutumuu, kahoofoo fan kulako wah wakete.

1 Kata Koolent 15:56

Katahaku kata eketayi ko kommuu kahoofoolaku, ban kahoofoolaku eluwaayi esen ko sembe.

Kata Efées 5:3

Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

1 Kata Tesalonik 4:5

Ban jakum jikat min kásiibo kajakut kuhaŋuul sembe loon bukanabuku kahaasutumuu Ateemit kukaanemuu.

Eébulo 7:19

mata eluwaayi yata Móyiis eyilaat ekaan wah min unab. Bale muñeˈe lubajaale kákangum kahaŋe majak, kayilo kújiwolaal li ukoojaal Ateemit.