Kata Lom 7:25 - Jola-Kasa

²⁵ Ateemit ajow asali: li Yéesu Kilisita ammuu Amaaŋenawu oololaal. Muñowu léemummuu amiikeel ata eluwaayi yata Ateemit li buyinumom, ban li éemi amiikeel ata eluwaayi yata kahoofoolaku li eniilayi yúmbaam.

Kata Lom 7:25 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Kata Lom 6:14

Li mal̥egenamu, kahoofoolaku kootut kubaj sembe li bukuluul, mata muñeˈe bukuluul jilet li kuŋen kata eluwaayi, bale li kájiyaku kata Ateemit joom.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

Kata Lom 8:2

Li mal̥egenamu, eluwaayi yata Buyinumabu Banabaabu yasenemuu buloŋ babilumulo li hujokoolahu hoololaal li Yéesu Kilisita, efakenolaafaken li kuŋen kata eluwaayi yata kahoofoolaku, li eketayi.

1 Kata Koolent 15:57

Bale usalaal Ateemit, ásenumolaamuu kaheekaku li Amaaŋenawu!

2 Kata Koolent 9:15

Ateemit ajow asali mata kájiyaku koola kan an ayilaatumuu alob mata ko.

Kata Efées 5:20

Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.