Kata Lom 7:18 - Jola-Kasa

¹⁸ Mal̥egen, lihaase een wahawu wajakumuu ulet lí ínje, yo yommuu ulet li eniilayi yúmbaam yágootomuu. Liyilo ifañ kakaan majake, bale let iyili ikaan majake.

Kata Lom 7:18 Referencias Cruzadas

Máciya 15:19

Mata li buyinumabu uyinoolawu wajakutaawu úfulumulemuu: jamuk bukan, kahinten anaale alet ooli, húfulo an an jiyabowut, ékuwet, émalimiñ, li kúloboo.

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Saŋ akiic homuu 3:6

An abukumi li Buyinumabu Banabaabu, fan alako buyinum.

Kata Lom 13:14

Jiŋa’ bóonowabu bata Amaaŋenawu, ban jakum jikat bóonowabu bata eniilayi min buŋaluul bubet li kásiibowaku kata yo.

Kata Lom 7:15

Li mal̥egen ínaanumut wahawu wan ikaanemuu: wahawu wan ifañumuu, íyiliyeliit ikaan wo, ban li inaak ikaan wahawu wan ifañutumuu.

Kata Lom 7:19

Li mal̥egenamu, ínje íkaaneliit wahawu wajakumuu wan ifañumuu ikaan, min inaak ikaan wajakutumuu wan ifañutumuu ikaan.

Kata Lom 7:25

Ateemit ajow asali: li Yéesu Kilisita ammuu Amaaŋenawu oololaal. Muñowu léemummuu amiikeel ata eluwaayi yata Ateemit li buyinumom, ban li éemi amiikeel ata eluwaayi yata kahoofoolaku li eniilayi yúmbaam.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Galasi 5:17

Li mal̥egenamu, wahawu wan eniilayi ésiibowemuu, úbute li wata Buyinumabu. Buyinumabu wahawu wan búsiibowemuu úbute li wata eniilayi. Buyinumabu búbutoobutoo ŋáa’ li eniilayi. Wahawu unwu újimuu, jiyilaat jinaak jikaan loon súumuulumuu.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Fílib 2:13

Li mal̥egenamu, Ateemit akaanumuu li bukuluul húfañum li kayile kata kakaan wah, naboo li húnongumahu hoola hajakaahu.

Kata Fílib 3:12

Iyilaat een liyaane íliiŋ tan iteyemuu boot, mantee foof liyaane ikaan an áliiŋe. Bale ínje ummu min ihankenemuu min itey mantee li iyili iyab bacaamabu, mata Yéesu Kilisita lajokonjok aban.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

1 Fiyeel 4:2

Muñeˈe, joote jiloŋ taŋayi yasaŋowuulumuu buloŋ baabe li etaam loon Ateemit afañumuu, bale jakum jiloŋ naboo li kásiibo kata ál̥ahukowan.