Kata Lom 6:3 - Jola-Kasa

³ Kama jihaasut kaanaku alolaal foofolaal feh jábatiiseyimuu min ubajaal hujokoo li Yéesu Kilisita, luketoolaaketoo li akila?

Kata Lom 6:3 Referencias Cruzadas

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Bakaanelabu 19:5

Nan kujamumuu kulimaku unku, li kujow kúbatiiseyiil li kajawaku kata Amaaŋenawu Yéesu.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 8:16

Mata Buyinumabu Banabaabu bo báwalowuloloot bulako li buko. Li kajawaku kata Amaaŋenawu Yéesu bale kúbatiisewumi.

Kata Lom 6:16

Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.

Kata Lom 6:8

Nokoomuu loon luketoolaaketoo li Kilisita, lúyinenaale kaanaku fan uloŋaal foof li akila.

Kata Lom 7:1

Kutuyom, manooman jihaase waa léemi li ilobuul, mata jihaase waa eluwaayi elobe. Eluwaayi ebabbaj sembe li an akila li buloŋ.

1 Kata Koolent 10:2

Buko foofiil feh nokoonokoo loon kúbatiisewumibatiise li kafaalaku li foof husamuwahu min kubaj hujamoo li Móyiis.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

1 Kata Koolent 15:29

Fan jiyinoo bukanabuku kábatiiseyeyimuu boot li kaketumuu: wáa újiye li kukaan mo? Nokoomuu loon mal̥egen kaketumuu let kuyitowumul li eketayi, wáa lí úji li kunaak kúbatiiseyi boot li kaketumuu?

1 Kata Koolent 3:16

Kama jihaasut joon bukuluul jommuu eluufayi yata Ateemit, imban Buyinumabu bata Ateemit li bukuluul bukine?

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»

1 Kata Koolent 6:19

Kama jihaasut joon eniilayi yooluul yommuu eluufayi yata Buyinumabu Banabaabu báamimuu li bukuluul, ban Ateemit asenuulumuu? Jikiloolowut bukuluul humumuul.

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

1 Kata Koolent 9:13

Manooman jihaase kaanaku bukanabuku kalokemuu li Eluufayi yata Ateemit, ló kúyabume naak hutiñahu hooliil. Bukanabuku kasilayemuu sínuukuleŋasu li husilaahu kubajebaj jooliil li eliwayi yata sínuukuleŋasu sasilayimuu.

1 Kata Koolent 9:24

Inti bukuluul jihaase kaanaku bukanabuku kaheekoolemuu li etey li kukaakaku, foofiil feh fan kutey, bale an ano li buko ammuu li aheek min aŋa’ bacaamabu? Bukuluul foof kama jitey etey yata min jiheek min jiŋa’ bacaamabu.

2 Kata Koolent 13:5

Bukuluul humumuul joote jijukeloolo min jijuk mantee jíloŋe li káyinenaku. Bale waa, jihaasut fíle joon Yéesu Kilisita ummu li bukuluul? Mantee yo yommuu kama bukuluul jiyilaat jíhiis kaanaku jíyinenyinen.

Kata Galasi 3:27

Bukuluul foofuul feh jíbatiiseyibatiise li Kilisita, ban Ateemit li ajokuul loon ajokumuu Kilisita humumool.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

1 Fiyeel 3:21

Laalu búhiisenum bata kábatiisaaku kafakenuulumuu muñeˈe. Kábatiisaaku unku kulet kata kúfulen ñikonañu ñata eniilayi, bale kata kasenoolo boot li Ateemit li buyinum bajake. Li kufakenuul humum hata kayitowulaku kata Yéesu Kilisita li eketayi.