Kata Lom 6:21 - Jola-Kasa

²¹ Waa jibaj to li wahawu wan jikaanumuu wájiwuulumuu li baj muñeˈe ñisuu? Húbanumahu hata bakaanelabu umbu, ho hommuu eketayi.

Kata Lom 6:21 Referencias Cruzadas

Kata Lom 1:32

Maayeet min kuhaasumuu koon Ateemit lansaan an akaanumuu wah loon muñowu latooke min aket, bale li kunaak kukaan wo ban li kukooŋen foof kakaane womuu.

Kata Lom 5:12

Kahoofoolaku li an ano kúnokenummuu li adunaayi, okila ammuu Adam. Kahoofoolaku li kúŋalul eketayi. Wahawu unwu újimuu eketayi li ego bukanabuku feh, mata bukanabuku feh kukankaan kahoofoo.

Kata Lom 6:16

Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Lom 8:13

Jiloŋumuu naboo li bóonowabu booluul, fan jiket; bale jíjowummuu li Buyinumabu Banabaabu min jimuk bakaanelabu bajakutumuu bata eniilayi, fan jiloŋ.

Kata Lom 8:6

Kayinoo mata kásiibowaku kata eniilayi, kumukemuk; bale kayinoo mata wahawu wan Buyinumabu Banabaabu bufañumuu, kusenesen buloŋ li kásuumaay.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

Kata Fílib 3:19

Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

Eébulo 10:29

Jifan jiyinoo min jijuk buu kama katek kata an abese Añiilawu ata Ateemit kóomi li kúsengi eeno; an ákaanumaatiye húsimahu hata húfaalumahu han kuŋalemuu min kúgiilen, ban li agel Buyinumabu basenemuu kájiyaku kata Ateemit.

Eébulo 6:8

Bale unuunuken wata újenkuun li banuunuken bata úbuja bul̥iilulumuu li yo, ebajut jáliŋ. Ateemit fan áfaahen etaamayi inyu, ban fan ebil ésuli.

Saak 1:15

Ban an ajowumuu akat kásiibo kajakut kata wah min kuhaŋool sembe, fan kújiwool li alo li kahoofoo. Ban nan kahoofoolaku kommuu kujow kank, li kúji anawu ummu li aket.

Saak 5:20

jihaas joon: an álaañenulumuu ahoofoola aŋa’ buloŋ bacole, anawu ummu lafakene buloŋabu bata ahoofoolaawu ummu li eket, ban fan áji Ateemit li abonket uhoofoo wameeŋe.

1 Fiyeel 4:17

Taŋayi éliiŋe nan batiibabu bata Ateemit bommuu li bútoŋ, ban bukanabuku kata Ateemit kommuu li kujand kutiibi. Ban nokoomuu loon li Batiibabu bata Ateemit li alolaal búkitume, buu bukanabuku kahoyumuu báyinen Hulimahu Hásuumaahu hata Ateemit kóomi li kúbanum eeno?

1 Saŋ 2:28

Kuñoolom, muñeˈe jítuk hujamoolahu hooluul li Kilisita lit, bilum eeno nan ammuu li abil li ubajaal kákangum, ban let ubajaal ñisuu hákilool li hunakahu nan ammuu li álaañul.

Búhiisenumabu 16:6

Li mal̥egenamu, loon bukanabuku kúyumuu húsimahu hata bukanabuku kammuu kooli li hata kufulofetaku, mo foof luseniilumuu húsim kuhob. Kuyayyab bacaamiil.

Búhiisenumabu 20:14

Muñeˈe li kuŋa’ Eketayi li Dán kaketumuu kulakomuu, kubeten li buwokaayabu bata sambunasu. Buwokaayabu umbu bata sambunasu bo bommuu eketayi yál̥ubutayi.