Kata Lom 5:2 - Jola-Kasa

² Li Yéesu Kilisita foof lúbajumaalumuu kájiyaku dán Ateemit akaanolaamuu li kabane humum hata káyinenaku koololaal. Wahawu wakaanewolaamuu ésuumansuum, wo wommuu kákangumaku kan ubajaalumuu kata min ulakowaal li máyiineniyamu mata Ateemit.

Kata Lom 5:2 Referencias Cruzadas

Máciya 25:21

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Hulimahu Hásuumaahu loon Saŋ akiic homuu 10:7

Yéesu li alaañen aaniil: — Li mal̥egenamu fan ilobuul: ínje emmuu kámbiilaku kata hukokahu hata kúgalalaanaku.

Hulimahu Hásuumaahu loon Saŋ akiic homuu 10:9

Injé emmuu kámbiilaku. An ánokenummuu lí ínje, fan afak. Fan ayili anoken li áfu’, ban fan abaj hutiñahu hoola.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Kata Lom 14:4

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 3:23

Li mal̥egenamu, bukanabuku feh kuhoofoohoofoo, ban mó lí múji lí kúfu’ li máyiineniyamu mata Ateemit.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:24

Li mal̥egenamu, Ateemit lafakenolaafaken, bale li kákangum bale. Ujukaalumuu wahawu wan úkangumaalumuu li wo, let ulaañ ulako kákangum. Ayimaa aate abaj kákangum kata min ajuk wah wan ajuke aban?

1 Kata Koolent 15:1

Kutuyom, lifañe min iwayil̥enuul Hulimahu Hásuumaahu han iwaalewuulumuu. Jiyayyab ho ban foof li jítuk ho lit.

2 Kata Koolent 3:18

Alolaal foofolaal feh jan wuulawu woololaal úmibutimuu, máyiineniyamu mata Amaaŋenawu muyilo mujuki li alolaal loon li kajuuloolum. Amaaŋenawu ammuu Buyinumabu, li akaanolaal úbutiyaal, min unokoolaal li akila li máyiineni ló, mahaŋe naak nanoonan maluuk.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Efées 3:12

Hujokoolahu hoololaal li Yéesu Kilisita habilummuu li káyinenaku koololaal li akila, hújimuu li uyiliyaal ukoojaal Ateemit li kákangum ló, babajut kákoli kanookan.

Kata Efées 6:13

Wahawu unwu újimuu, jiŋa’ ujunkowawu feh wan Ateemit asenemuu jooken, jakum bil heekuul li jitey, bale min jiyito lit min jitiik boot yok li húbanumahu.

2 Kata Tesalonik 2:16

Amaaŋenawu ololaal Yéesu Kilisita humumool, li Ateemit Atuubawolaal, ábooliwolaamuu ban li awankulenolaal kawankulen kata boot nanoonan, ban lí ájowum li kájiyaku koola min asenolaal húkangum habaje sembe,

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

Búhiisenumabu 21:11

Máyiineniyamu mata Ateemit yookene. Li enaak eleñ maleñ loon huyitik hatiineniye ŋáa’, loon huyitik hágiiniine han koone Jasif ban li huyaaŋ loon eweel.

Búhiisenumabu 21:23

Esúkayi inyu esohulawut min banak buwuŋen yo, mantee foof min hul̥eeñahu huwuŋen yo, mata máyiineniyamu mata Ateemit muhiitene yo, ban Agálalaanawu li alako ehiitumayi yata yo.

Búhiisenumabu 21:3

Li ijam hulim habaje sembe li húfulumul li efenjeŋayi yata jáyiiyaju, haane: «Muñeˈe eluufayi yata Ateemit inyu li bukanabuku. Ateemit fan akin li buko, min kulako bukan koola. Ateemit humumool fan alako li buko, min alako Ateemit ooliil.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.