Kata Lom 5:19 - Jola-Kasa

¹⁹ Li mal̥egenamu, loon an ano átuulutumuu Ateemit ájimuu bukan kameeŋe li kulo li kahoofoo, mo foof an ano átuulumuu Ateemit ájimuu bukan kameeŋe li kulako bukan kacole hákil Ateemit.

Kata Lom 5:19 Referencias Cruzadas

Kata Lom 11:32

Ateemit lakaakat bukanabuku feh min kuhoy bátuulool, mantee li áhiis káyiyenaku koola bukanabuku feh.

Kata Lom 5:12

Kahoofoolaku li an ano kúnokenummuu li adunaayi, okila ammuu Adam. Kahoofoolaku li kúŋalul eketayi. Wahawu unwu újimuu eketayi li ego bukanabuku feh, mata bukanabuku feh kukankaan kahoofoo.

Kata Lom 5:15

Bale buko kúl̥uba kúbutoobutoo, mata kájiyaku kata Ateemit kunokoolut li kahoofoolaku kata Adam. Li mal̥egenamu, kahoofoo kata an ano bale ammuu Adam, kújimuu bukan kameeŋe li kuket, bale kájiyaku kata Ateemit kuhaŋe maluuk ŋáa’. Kájiyaku unku Ateemit li an ano lásenum kó bukanabuku, akila ammuu Yéesu Kilisita, ban kuhaŋe maluuk ŋáa’.

Kata Lom 5:18

Mó mújimuu, loon butila bata an ano ammuu Adam bújimuu bukanabuku feh li kubaj katek, mo foof bakaanelabu banolabu bacolumuu bata an ano ammuu Yéesu Kilisita, bukaanumuu min bukanabuku feh kulako bukan kacole, min bújiyiil li kubaj buloŋ.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Kata Efées 1:6

Lakankaan loon muñowu min usalaal másuumamu moola máamakamu man áhiisumolaalumuu li Añoolool an aboolaatumuu.

Kata Fílib 2:8

Li awalenoolo, ban li akaan loon Ateemit aloboolumuu boot yok nan aketumuu, eket yata li ekuluwa.