Kata Lom 4:17 - Jola-Kasa

¹⁷ loon Ateemit aloboolumuu li Bakiicelabu kaanaku: «Likaanikaan ulako atuuba ahaan ata sihet sameeŋe.» Abulaham laanosaano atuubawolaal hákil Ateemit an áyinenumuu li akila. Ateemit okila asenemuu buloŋ kaketumuu ban li akaan wah wabajut min ubaj.

Kata Lom 4:17 Referencias Cruzadas

Máciya 3:9

Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku, Ateemit layilo áfulenumul li kuyitikaku unku bañiil bata Abulaham!

Hulimahu Hásuumaahu loon Saŋ akiic homuu 5:21

Mata loon Atuubaawu ayitenemuu kaketumuu min alaañen akaaniil kuloŋ, mo foof Añiilawu ammuu li asen buloŋ bukanabuku kan afañumuu min asen bo.

Hulimahu Hásuumaahu loon Saŋ akiic homuu 5:25

Li mal̥egenamu fan ilobuul: taŋayi inyu li ebil, ban eyaane éliiŋul eban, nan kaketumuu kommuu li kujam hulimahu hata Añiilawu ata Ateemit, ban kammuu li kujam ho fan kuloŋ.

Hulimahu Hásuumaahu loon Saŋ akiic homuu 6:63

Buyinumabu bata Ateemit busenemuu buloŋ. An humumool ayilaat akaan wahoowah. Kulimaku kan ilobuulumuu, ko kusenemuu Buyinumabu Banabaabu, li buloŋabu.

Bakaanelabu 15:18

Wahawu unwu Amaaŋenawu alobumuu, akaan womuu ésukayi ehaas nan fiyo.»

Kata Lom 3:29

Bale waa, Ateemit laanosaano Ateemit ata kusuwifaku baleyiil? Inti laanosaano foof Ateemit ata bukanabuku kaletumuu kusuwif? Eéhe’, Ateemit laanosaano foof Ateemit ata bukanabuku kaletumuu kusuwif.

Kata Lom 4:18

Abulaham li áyinen ban li abaj kákangum tan uhaase oon kákangum kanookan kulet to. Wahawu unwu újimuu «li alako atuuba ahaan ata sihet sameeŋe,» loon Ateemit aloboolumuu aanool: «Muñowu bubukoolumabu buya bommuu li bule.»

Kata Lom 4:2

Nokoomuu loon Abulaham bakaanelool bújiye Ateemit li ajokool an acole, kama layilo asaloolo, bale inti hákil Ateemit.

Kata Lom 8:11

Nokoomuu loon Buyinumabu bata Ateemit ayitenumulomuu Yéesu Kilisita li eketayi, bumbu min bukine li bukuluul, Ateemit ayitenumuloomuu li eketayi fan ájowum li Buyinumabu umbu Banabaabu bakinumuu li bukuluul, min asen buloŋ eniilayi yooluul yammuu li ebil eket.

Kata Lom 9:11

Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola.

Kata Lom 9:26

Ban tan kooneeniilumuu: “Jilet bukan kúmbaam”, fan kuhooñiil to bañiil bata Ateemitawu aloŋumuu.»

1 Kata Koolent 1:28

Ateemit lal̥ul̥l̥us wahawu wan adunaayi ékaalenumuu, wahawu wan ebesumuu, li wahawu wan eyinoomuu li yoon ubajut jáliŋ, min akajen wahawu wan adunaayi ejokumuu loon wah wabaje jáliŋ.

1 Kata Koolent 15:45

Li mal̥egenamu, Bakiicelabu bonsoon: «Anawu átinaalawu ammuu Adam, labiibil akaan búwuwenum baloŋe», bale Adam ásolaawu okila ammuu Buyinumabu basenemuu buloŋabu.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

Eébulo 11:12

Mó mújimuu, an ano ammuu Abulaham, okila bahallene ajow boot aket, abukumuu bukan kameeŋe loon bawuutabu bammuu li emitayi, kan an ayilaat acob loon mul̥uyisamu mammuu bata katantaku kata halahu.

Eébulo 11:3

Káyinen kújimuu li únaanumaal kaanaku adunaayi li Hulimahu hata Ateemit ejuul̥umi, min lako wahawu wajukeyimuu li wah wájukoliiti úkaanumi.

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.

1 Fiyeel 2:10

Naanaŋ, bukuluul jilakowut bukanabuku kata Ateemit, bale muñeˈe bukan koola joom. Naanaŋ káyiyenaku kata Ateemit kulakowut li bukuluul, bale muñeˈe Ateemit láyiyenuuyiyen.

2 Fiyeel 3:8

Kutuyom kan iboolaat, baje wah wano wan jootut jimojen: li Amaaŋenawu, hunak hano hunokoonokoo loon simit soon énjunne, ban simit soono énjunne li sinokoo loon hunak hano.