Kata Lom 4:15 - Jola-Kasa

¹⁵ Li mal̥egenamu, eluwaayi éjiyemuu Ateemit li awuñet bukanabuku. Tan eluwa ebajut, káhoogul eluwa foof let kubaj to.

Kata Lom 4:15 Referencias Cruzadas

Hulimahu Hásuumaahu loon Saŋ akiic homuu 15:22

Ibileenutumuu min ilob li buko, let kubajeen butila mata uhoofoolawu wooliil úji. Bale muñeˈe kubajut wah wáami li ukooŋeniil li uhoofoolawu wooliil.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Kata Lom 1:17

Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

Kata Lom 5:13

Kahoofoolaku kubabbaj li adunaayi tówum Ateemit asen Móyiis eluwaayi, bale nan eluwaayi ebajutumuu, Ateemit lanaanaak akat bo kahoofoolaku.

1 Kata Koolent 15:56

Katahaku kata eketayi ko kommuu kahoofoolaku, ban kahoofoolaku eluwaayi esen ko sembe.

Kata Galasi 3:10

Li mal̥egenamu, bukanabuku feh kajokumuu li wahawu wan eluwaayi elobumuu kakaan, Ateemit fan atekiil. Bakiicelabu bonsoon li mal̥egenamu: «Katek kujow kulako li anoowan feh anaakut akaan wahawu feh wakiicimuu li éliibalayi yata eluwaayi.»

Kata Galasi 3:19

Kama wáa újiye eluwaayi li ebaj? Eluwaayi efamenifamen to humum hata uhoofoolawu. Ban yoote elako to boot yok nan anawu ammuu li abuki li kalandaku kata Abulaham ammuu li abil, an Ateemit alobumuu kasenaku kata wahawu. Eluwaayi inyu Ateemit asen yo kumalaka kusen Móyiis boot li bukanabuku.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Kolos 3:6

Wahawu unwu ukaanemuu min Ateemit awuñet [bukanabuku kátuuleliitoolumuu].

1 Saŋ 3:4

Anoowan feh akaane kahoofoo, lahuusuuhuusul foof eluwaayi yata Ateemit, mata kakaan kahoofoo yo yommuu kahuusul eluwaayi yata Ateemit.

Búhiisenumabu 19:15

Ekúndu yañeke li éfulumul li butumabu boola boot kútek bukanabuku kata sihetasu feh. Fan aŋa’ egol yata mañ min amatiil. Fan áluuhiil li buyinjaay báamak loon kúul̥ kata búbiiñ áluuheyimuu boot kakaan ébiiñ, min áhiisiil etindihuuñayi yáamakayi yata Ateemit ata sembe.