Kata Lom 2:29 - Jola-Kasa

²⁹ Asuwif ata mal̥egen, wahawu wayolomuu kata láalawool újimuu li aani asuwif laam. Katey búkut kata mal̥egen, ko kommuu kata buyinumabu, kabilummuu li Buyinumabu bata Ateemit, bale let kabilummuu li eluwaayi yakiicimuu. Asuwifawu ummu ata mal̥egen, let ábajum kasal li bukanabuku, bale fan ábajum kó li Ateemit.

Kata Lom 2:29 Referencias Cruzadas

Hulimahu Hásuumaahu loon Lík akiic homuu 11:39

Muñeˈe Amaaŋenawu li aanool: — Bukuluul kufaaliisiyeŋaku, fan jítil̥ kata búsol ejunkayi li buyinjaayabu, ban kata láalawuul ummu min meeŋ dó kásiibo ékuwet li búl̥afut.

Hulimahu Hásuumaahu loon Lík akiic homuu 17:21

An let abil aan: «Jáyiiyaju junju taate» mantee foof: «Junju taata». Mata li mal̥egenamu, Jáyiiyaju jata Ateemit junju li tutuul.

Hulimahu Hásuumaahu loon Saŋ akiic homuu 12:43

mata kufanfañ kasalaku kan bukanabuku kusaleyiilumuu, haŋ kata Ateemit.

Hulimahu Hásuumaahu loon Saŋ akiic homuu 4:23

Bale taŋayi inyu li ebil, ban muñeˈe eŋeje, nan kumanenaaku kata mal̥egen koomuu kunaak kúmanenum Atuubaawu li Buyinum li mal̥egen. Mata li mal̥egenamu, Atuubaawu kumanena loon muñaˈa lafañumuu.

Hulimahu Hásuumaahu loon Saŋ akiic homuu 5:44

Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool?

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

Kata Lom 2:27

Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

Kata Lom 3:1

Kama muñowu tay asuwif áhaŋummuu an alet asuwif? Jáliŋ buu katey búkut kubaje?

Kata Lom 7:6

Bale muñeˈe lúfulaale li kuŋen kata eluwaayi, mata loonowaasoono bukan kakete hákil yo, ban muñeˈe uletaal emiikeel yata yo. Luyiliyaale kama ulokaal boot li Ateemit li bakaane buwunkul babilumulo li Buyinumabu Banabaabu, ban inti loon bakaanelabu bata naanaŋ babilumulomuu li eluwaayi yakiicimuu yahallenumuu.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

1 Kata Koolent 7:19

Utey búkutoo, uteyut búkutoo, bajut jáliŋ. Wahawu wabajumuu jáliŋ wo wommuu kátuul kulimaku kata Ateemit.

2 Kata Koolent 10:18

Li mal̥egenamu, let an asaloolowe aluukeneyi, bale anawu an Amaaŋenawu asalumuu akila aluukeni.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

1 Kata Tesalonik 2:4

Bale loon Ateemit áyoobolimuu ban li ajuk kaanaku jitottook min ákatoli min jiwaale Hulimahu Hásuumaahu, mo foof jiwaale homuu loon afañumuu. Jiŋesut kakaan bukanabuku súumiil, bale kakaan Ateemit súumool, ahaasumuu wahawu wammuu li kúkowolaal.

1 Fiyeel 3:4

bale moote mulako majak mata káta láala buyinumabu booluul, mammuu majak mayilaat mukajen, mata buyinum bájoobiye li básuume. Majakamu ummu mubajumuu jáliŋ ŋáa’ hákil Ateemit.