Kata Lom 2:25 - Jola-Kasa

²⁵ Li mal̥egen unaakumuu ukaan loon eluwaayi elobumuu, búkutabu ban uteyumuu fan bubaji jáliŋ, bale unaakutumuu ukaan loon eluwaayi elobumuu, maayeet min uteye búkut lunokoonokoo loon an ateyut búkut.

Kata Lom 2:25 Referencias Cruzadas

Bakaanelabu 7:51

Ecen li afamen aan: — Bukuluul bukan kájamaatiye! Jiŋalut Hulimahu hata Ateemit jikaan li uyinumuul, ban li jihoy bajanten ho. Jihoohoy Buyinumabu Banabaabu. Jinokoonokoo loon situubawuul sihaan.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

Kata Lom 2:23

Awu asaloolowemuu mata min ubajumuu eluwaayi, wáa újiye li unaak uhuusul yo min usuuwen Ateemit?

Kata Lom 2:26

Nokoomuu loon an ateyut búkut akaane loon eluwaayi elobumuu, waa, Ateemit let ajokool loon an ateye búkut?

Kata Lom 2:27

Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

Kata Lom 2:28

Li mal̥egenamu, let wahawu wajukeyimuu újiyemuu an li aani asuwif laam, let foof háakumahu hajukeyimuu li eniilayi hooneyimuu katey búkut.

1 Kata Koolent 7:19

Utey búkutoo, uteyut búkutoo, bajut jáliŋ. Wahawu wabajumuu jáliŋ wo wommuu kátuul kulimaku kata Ateemit.

Kata Galasi 6:13

Bukanabuku umbuku kateyemuu búkut, buko humumiil kúkaaneliit loon eluwaayi elobumuu. Kufañe min kukaanuul jitey búkut mantee li kújowum tó kusaloolo mata min kújiwuulumuu li jitey búkut.

Kata Galasi 6:15

Li mal̥egenamu, utey búkut, uteyut búkut, bajut jáliiŋ yanooyan. Wahawu wabajumuu jáliiŋ, wo wommuu min Ateemit akaani ulako búwuwenum buwunkul.