Kata Lom 2:21 - Jola-Kasa

²¹ Kama awu aliikenemuu kaabuku, wáa újiye let uliikenoolo awu humumi? Awu awaaleyemuu oon jakum an ákuwet, wáa újiye awu li unaak úkuwet?

Kata Lom 2:21 Referencias Cruzadas

Máciya 21:13

Yéesu li aaniil: — Hulimahu hata Ateemit hoone: «Eluufayi yúmbaam fan ehooñi eluuf yata kal̥aw.» Bale bukuluul li jilaañen yo elako kawokaay kata ékuu.

Hulimahu Hásuumaahu loon Lík akiic homuu 11:46

Yéesu li aanool: — Katek kujow kulako li bukuluul foof jaliikenemuu ésukayi eluwaayi yata Móyiis! Mata fan jikaan bukanabuku kuteb búteb básengiye kateb, ban bukuluul humumuul let fan jiŋa’ maayeet husiikuul min jilambeniil kuteb bo!

Hulimahu Hásuumaahu loon Lík akiic homuu 12:47

«Aloka ahaasumuu waa anahaanawu oola afañe, ban ajooŋoolut to min akaan wo, fan abaj katek káamak.

Hulimahu Hásuumaahu loon Lík akiic homuu 19:22

Ayíiyawu li aanool: “Awu aloka ájakaatiye. Boot min itiibumi li kulimaku kooli humum ko. Kama luhaasumuu oon ínje ánayine átaañiye, liŋaleŋa’ wah wan ilokut, licacecac tan iwañut?

Hulimahu Hásuumaahu loon Lík akiic homuu 4:23

Yéesu li aaniil: — Manooman fan jilobom húl̥okuwahu unhe: «Awu ammuu abuntena, ubuntenoolo awu humumi.» Fan foof joonom: «Jijame wahawu feh wan ukaanumuu li ésukayi yata Káfeenawum, muñeˈe ukaan taate li ésukayi yooli wahawu wanolawu.»

1 Kata Koolent 9:27

Liteetek eniilayi yúmbaam séngi, ban li ijok yo eeken jakum bil iwaale kaabuku Hulimahu Hásuumaahu iban, li lako ínje ílet ló li bukanabuku kammuu li kuyab bacaamabu.

Kata Galasi 6:13

Bukanabuku umbuku kateyemuu búkut, buko humumiil kúkaaneliit loon eluwaayi elobumuu. Kufañe min kukaanuul jitey búkut mantee li kújowum tó kusaloolo mata min kújiwuulumuu li jitey búkut.