Kata Lom 2:2 - Jola-Kasa

² Luhaasaale kaanaku batiibabu ban Ateemit atiibumuu bukanabuku kakaanemuu wahawu unwu, bunannab li mal̥egenamu.

Kata Lom 2:2 Referencias Cruzadas

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

Kata Lom 2:3

Awu jatiibemuu bukanabuku kakaanemuu wahawu unwu ban li unaak ukaan loon buko, waa, luyinooyinoo file loon awu fan ufak li batiibabu bata Ateemit?

Kata Lom 2:5

Min buyinumabu booli bul̥aal̥umuu ban ufañut min útiiwo uŋa’ buloŋ buwunkul, mó mújimuu li oono li káŋalul katek káamak boot li awu, káami li kubaji li hunakahu nan Ateemit ammuu li áhiis etindihuuñayi yoola li batiibabu boola bacolaabu.

Kata Lom 9:14

Muñeˈe boot min oonaal buu? Waa, Ateemit akaanut col? Let mo.

Búhiisenumabu 16:5

Muñeˈe li ijam Amalakaawu akilumuu malamu li aan: «Awu bale ommuu Ateemit anabe. Awu óomi tómuu, awu ulako tomuu, ban lutiibetiib col.»

Búhiisenumabu 19:2

Latiibetiib li mal̥egen ban li col! Mata latittiib ecagaayi yáamakayi, yalakomuu kakajenaku kata etaamayi li bucagayetabu bata yo. Ateemit latekootek min aluken kulokaabuku koola kan amukumuu.»