Kata Lom 16:26 - Jola-Kasa

²⁶ Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 16:26 Referencias Cruzadas

Maak 16:15

Muñeˈe Yéesu li aaniil: — Jijow li adunaayi feh jijow jiwaale Hulimahu Hásuumaahu bukanabuku feh.

Bakaanelabu 10:43

Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Kata Lom 1:2

Hulimahu unhu Hásuumaahu, Ateemit lájowunjowum li kufulofetaku, min alob mata kasen ho, nan fiyowe, li Bakiicelabu Banabaabu.

Kata Lom 1:20

Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 15:18

Li mal̥egenamu, éetimuu ikaañen ilob mata wah ukee, fan lako bale wahawu wan Kilisita ákaanummuu lí ínje. Lájowunjowum lí ínje min akaan bukanabuku kaletumuu kusuwif kútuul Ateemit. Lákaanunkaanum mó li kulimaku kúmbaam li bakaanelabu búmbaam.

Kata Lom 15:4

Wahawu feh wakiici nomuu kat to, ukiicikiic boot kaliikenolaal wah. Li mal̥egenamu, Bakiicelabu busenewolaasen kátintimben min útukaal lit, boot yok nan oomaalumuu li ubajaal wahawu wan úkangumaalumuu li wo.

Kata Lom 3:21

Muñeˈe Ateemit láhiisolaahiis buu lakaanewolaamuu ulakowaal bukan kacole hákilool, ban inti li búkaanum bata eluwaayi bulollob mo foof.

Kata Galasi 3:8

Bakiicelabu bulollob búkibben kaanaku, Ateemit fan akaan bukanabuku kaletumuu kusuwif kulako bukan kacole humum hata káyinenaku kooliil. Mó mújimuu, li alob no Abulaham hulimahu unhe hásuumaahu: «Fan ísooniyenum li awu bukanabuku feh kammuu li etaamayi.»

Kata Efées 1:9

Lakaanolaakaan min uhaasaal wahawu wan afañumuu min akaan, wan uhaaseenutaalumuu. Lajoojok kaanaku fan ákaanum wo li Kilisita loon súumoolumuu.

Kata Efées 2:20

Joonosoono kuteef kateefi laken li kuteefaku kuleeteemaaku, kammuu kufootalaku, ban Yéesu Kilisita humumool li áami huyitikahu hatebumuu eluufayi foof yo feh.

Kata Kolos 1:26

Hulimahu unhu ho hommuu mahaasutimuu mayolimuu no unnu feh li simitasu unsu feh, bale muneˈe Ateemit láhihhiis ho set bukanabuku koola.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

2 Tímote 1:10

ban muñeˈe li ebilayi yata Afakenaawu oololaal Yéesu Kilisita láhiisolaamuu kájiyaku unku. Okila aheekumuu eketayi, ban li ájowum li Hulimahu Hásuumaahu min áhiis set waa wommuu buloŋabu li waa wommuu eniil yayilaat ekajen.

Eébulo 13:8

Yéesu Kilisita, okila anolawu huken, síyaat ban boot nanoonan.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Búhiisenumabu 1:17

Nan ijukoolumuu, li ilo to li kootool loon an akete. Li aŋa’ kaŋenool káli awalen lí ínje ban li aanom: — Sákoli! Injé emmuu átinaalawu li ásolaawu.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.