Kata Lom 14:9 - Jola-Kasa

⁹ Li mal̥egenamu, Kilisita lakeeket ban li álaañul li buloŋ min alako Amaaŋenawu ata bukanabuku kaketumuu li kaloŋumuu.

Kata Lom 14:9 Referencias Cruzadas

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Saŋ akiic homuu 12:24

Li mal̥egenamu fan ilobuul: hukool hata edenfeteŋ hulowutumuu li etaam min hukajen, fan hulako to bale ho. Bale hukajenumuu min hul̥iilahu hata ho húyawul, fan hubukoo kukool kameeŋe.

Bakaanelabu 10:36

Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.

Bakaanelabu 10:42

Yéesu láanolisaan jiwaale ésukayi Hulimahu Hásuumaahu, ban li jiyiiŋen kaanaku okila Ateemit al̥usumuu boot batiib bukanabuku kaloŋumuu li kaketumuu.

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

1 Kata Tesalonik 4:14

Li mal̥egen, emmuu lúyinenaayinen kaanaku Yéesu lakeeket ban li ayitowumul li eketayi, lootaale foof úyinenaal kaanaku bukanabuku káyinenumuu li akila ban li kuket, Ateemit fan ayitenumuliil li eketayi li Yéesu ló.

1 Kata Tesalonik 5:10

Mata Kilisita lakeeket boot li ololaal, bájum, ulakowaal li buloŋ mantee foof li uketaal, li úloŋumaal li akila nan ammuu li abil.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

1 Fiyeel 4:5

Bale fan kubil kulob mata wahawu wan kukaanemuu, hákil Ateemit afalemuu boot katiib bukanabuku kammuu li buloŋ, li kaketumuu.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 2:8

— Ukiic amalakaawu ata Ejanguwayi yata Simiin oonool: «Anawu ammuu átinaalawu li ábanumawu, aketeenumuu ban li ayitowumul li eketayi, hulimahu unhe lalobe: