Kata Lom 14:3 - Jola-Kasa

³ Anawu atiñemuu wahawu feh, aatut abes atiñemuu wah wáfulumulo li etool bale. Anawu foof atiñemuu wah wáfulumulo li etool bale, aatut atiib atiñemuu wahawu feh, mata Ateemit layabooyab.

Kata Lom 14:3 Referencias Cruzadas

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 9:14

Muñeˈe kúgoomaku kata Saŋ Batiis li kubil kujuk Yéesu min kugel̥l̥enool koonool: — Wáa újiye áloli li Kufaaliisiyeŋaku li jinaak jimommo, ban kúgoomaku kooli kúmommoweliit.

Hulimahu Hásuumaahu loon Lík akiic homuu 18:9

Yéesu li afamen alob bukittenoolumabu umbe aya li bukanabuku kajokoolomuu loon buko bukan kacole hákil Ateemit, ban li kunaak kubes kaabuku. Li aaniil:

Bakaanelabu 10:34

Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.

Bakaanelabu 10:44

Nan Fiyeel alakomuu elobayi, Buyinumabu Banabaabu li búwalowul bubil kulako li bukanabuku feh kalakomuu bajantenabu bata Hulimahu.

Bakaanelabu 28:2

Bukanabuku kakinumuu li étebelemukayi li kúyaboli súum ŋáa’. Emmuu emitayi kalaal elakowe ban li jóobi, li kútifenoli sambun sáamak min kúyaboli tó.

Kata Lom 11:15

Li mal̥egenamu, nan Ateemit akaanumuu kusuwifaku li kakaŋ, adunaayi ebabbaj hujamoo li akila. Muñeˈe waa wóomi li ubaj nan Ateemit ammuu li alaañen ayabiil? Fan lako bukanabuku kaketumuu fan kúlaañul li buloŋabu.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kata Lom 14:10

Kama awu wáa újiye li utiib atuyi? Awu foof, wáa újiye li ubes atuyi? Li mal̥egenamu, alolaal foofolaal feh fan ubil uyitowaal hákil hutiibahu hata Ateemit min atiibolaal.

Kata Lom 14:13

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Kata Lom 14:15

Uyokenumuu atuyi humum hata wahawu wan awu útiñemuu, ulet li káhiisool húbooli. Jakum wah wan utiñe bale újiyi li újimen an an Kilisita akete boot li akila.

Kata Lom 14:21

Wahawu wajakumuu, wo wommuu jakum ukaan wah waate úji atuyi li alo li kahoofoo: lako bútokoñ eliw, lako ehob bunuk, mantee foof wah ukee.

Kata Lom 15:7

Wahawu unwu újimuu, anoowan li bukuluul laate ayab afaalool boola jak loon Kilisita ayabuulumuu foof boot li máyiineniyamu mata Ateemit.