Kata Lom 14:11 - Jola-Kasa

¹¹ Ateemit lansaan: «Injé Amaaŋenawu aloŋumuu, leene: Anoowan feh fan abil ákuntuŋ hákilom, anoowan feh fan abil ásalumom li butumool.»

Kata Lom 14:11 Referencias Cruzadas

Máciya 10:32

— An aanumuu hákil ésukayi feh: «Yéesu akilom», ínje foof fan ibil een hákil Atuubawom ata haatiya: «Ummu ínje ikilool.»

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Lom 15:9

Yéesu Kilisita labiibil foof mantee bukanabuku kaletumuu kusuwif li kumanen Ateemit humum hata káyiyenaku koola, loon Bakiicelabu bulobumuu: «Mó mújimuu fan isali li tut bukanabuku kaletumuu kusuwif, ban fan ikijen min isal kajawaku kooli.»

1 Saŋ 4:15

An aanumuu Yéesu ammuu Añiilawu ata Ateemit, Ateemit ummu nanoonan li anawu ummu, ban akila foof ummu nanoonan li Ateemit.

2 Saŋ 1:7

Kúmalamiñ kameeŋe kuyiisoole kujow koono tanootan li adunaayi. Kuhoohoy koon Yéesu Kilisita labiibil min alako mal̥egen an. An loon muñaˈa okila ammuu ámalamiñ. Okila ammuu Alatoolaawu ata Kilisita.

Búhiisenumabu 5:14

Wahawu ubakiilawu waloŋumuu li unaak woon: «Aameen!» Kunahaanaku kahallenumuu li kúkuntuŋ min kumanen.