Kata Lom 13:11 - Jola-Kasa

¹¹ Bukuluul jihaase taŋ buu loomaalumuu li yo: waatuwayi éliiŋe mín jíliwo li kámooliyaku kooluul. Li mal̥egenamu, muñeˈe kafakaku kuhaŋe makoojolaal, li taŋayi nan útoŋaalumuu úyinenaal li Kilisita.

Kata Lom 13:11 Referencias Cruzadas

Máciya 16:3

Líiŋumuu li bújom bíb, li jóonul: «Emitayi fan élaalul li búlus ló, mata el̥enl̥em.» Bukuluul min emitayi enokoomuu bale, jiyilimuu jilaso min jihaas. Bale jiyilaat jilaso min jihaas kúhaasumaku kata taŋayi.

Hulimahu Hásuumaahu loon Lík akiic homuu 21:28

Nan wahawu unwu wommuu li útoŋ ubaj, jiyito ban jíl̥aalulo, mata kafakaku kooluul kúkoojulo.

1 Kata Koolent 10:11

Wahawu unwu feh ubabbaj min ulako bukittenoolum boot li kaabuku. Ukiicikiic kat to, min bilum alolaal aamaalumuu li buloŋ li taŋ yan uhaase oon buloŋabu bumbu li buban, li uliikenumaal to wah.

1 Kata Koolent 15:34

Jílaañul jikaan uyinumuul jak, ban li jikat kahoofoo. Li mal̥egenamu, kukee li bukuluul kuhaasut Ateemit. Lilobuulob mo boot li ñisuu ñooluul.

Kata Efées 5:14

Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»

Saak 5:8

Bukuluul foof jikokkoben, ban li jítuk lit, mata ebilayi yata Amaaŋenawu ékoojulo.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.

1 Saŋ 2:18

Kuñoolom, taŋayi ébanumayi ékoojulo! Jijanjam kaanaku Alatoola ata Kilisita fan abil. Ban muñeˈe baje kulatoola kameeŋe kata Kilisita. Wahawu unwu újimuu luhaasaale oonaal taŋayi ébanumayi éliiŋe.

Búhiisenumabu 1:3

Awólo, anawu ammuu ajanga kulimaku unke kabilummuu li Ateemit, kakiicimuu li éliibalayi inye. Awólo bukanabuku kajantenemuu kulimaku unku, ban li kukaan loon kulobumuu, mata taŋayi ékoojulo nan wahawu unwu wommuu li ubaj.

Búhiisenumabu 22:10

Muñeˈe amalakaawu li afamen aanom: — Jakum uyoloo kulimaku unku kabilummuu li Ateemit kammuu li éliibalayi inyu, mata taŋayi nan wahawu unwu wommuu li ubaj, ékoojulo.

Búhiisenumabu 22:12

Yéesu li alaañen aan: — Ujanten, ínje muñeˈe li ibil. Ban fan íŋaloolul bacaamabu ban emmuu li isen anoowan, naboo li wahawu wan akaanumuu.

Búhiisenumabu 22:20

Anawu aanumuu kulimaku unku mal̥egen, laane: «Eéhe’, ínje ummu li ibil!» Aameen! Ubil, Amaaŋenawu Yéesu!