Kata Lom 12:16 - Jola-Kasa

¹⁶ Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 12:16 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 26:11

Mata fan jibaj nanoonan esukateen li bukuluul, bale ínje let ilako li bukuluul nanoonan.

Hulimahu Hásuumaahu loon Lík akiic homuu 14:13

Bale ulakumuu sinaaŋ boot li ésuk, li úhooñul esukateenayi, kakajumuu, kajinkemuu li káfuumumuu.

Hulimahu Hásuumaahu loon Lík akiic homuu 6:20

Yéesu li ajuke kúgoomaku koola ban li aan: — Awólo bukuluul jagayimuu, mata Jáyiiyaju jata Ateemit jooluul.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

Kata Lom 15:5

Ateemit akaanemuu an min átuk lit ban li átintimbenool, ajow akaanuul jibaj kajamoo li tutooluul loon Yéesu Kilisita afañumuu,

Kata Lom 6:2

Múk! Alolaal an emmuu kahoofoo lakeeket li alolaal, buu emmuu nokoo li umit uloŋaal li kahoofoo?

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

1 Kata Koolent 3:18

Jakum an li bukuluul abuntoolo. An li bukuluul ayinoomuu li aan lababbaj bújallowabu bata adunaayi inye, laate kama alaañenoolo an awele, bánum li alako li mal̥egen an ájallowe,

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

1 Kata Koolent 6:5

Lilollob mo boot li ñisuu ñooluul. Waa hinut baj li bukuluul an ájallowe ayilo akaan bukan li bukuluul kámuye min kujamoo?

1 Kata Koolent 8:2

An ayinoomuu li aan lahaase wah ukee, anawu ummu ahaasolut jak loon áatimuu ahaas.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 3:16

Tan úliiŋaamee, kaan min kaane, alolaal li ujukelaal to min unabaal li bútinabu ban uŋalaamuu boot muñeˈe.

Kata Fílib 4:2

Wahawu wan emmuu il̥aw Efodi buko li Sentic, wo wommuu liyaakiil min kubaj hujamoo mata buko kúl̥uba bukan kata Amaaŋenawu koom.

Eébulo 13:5

Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»

1 Fiyeel 3:8

Boot min íwuñenum li kulimaku unke: bukuluul foofuul feh jibaj kajamoo, jibaj uyinoolawu wanolawu, jíbooliwoo loon batuyaay, jiyili káyiyen bukan, ban li jiwalenoolo.

1 Fiyeel 5:3

Jakum jiŋes kágooten bukanabuku kan kusenuulumuu jooken, bale jilako bukittenoolum bajake boot li bumatabu.

3 Saŋ 1:9

Likiiculokiic kulim boot li ejanguwayi, bale Jotulef afañemuu min okila alako anahaanawu ooliil, afañut min ájantenoli.