Kata Lom 12:1 - Jola-Kasa

¹ Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 12:1 Referencias Cruzadas

Hulimahu Hásuumaahu loon Lík akiic homuu 7:47

Mó mújimuu boot eeni: Uhoofoolawu woola wameeŋaawu ubonketibonket. Mata láhiisenhiisen húbooli háamak. Bale an, an kubonkete jatit, húbooli hatit laate áhiis.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 15:30

Kutuyom, boot min íjowum li Amaaŋenawu oololaal Yéesu Kilisita li húbooliyahu hata Buyinumabu Banabaabu, min iyaakuul eenuul: uhankenaal li mano min utajaal li kal̥aw Ateemit boot lí ínje.

Kata Lom 2:4

Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu?

Kata Lom 6:13

Jakum jiŋa’ wah wata eniilayi yooluul min jinaak jikaan kahoofoo loon eenimuu wah wata boot kakaan majakut. Jisenoolo min jilok boot li Ateemit loon bukan kayitowumulo li eketayi kubil koono li buloŋ. Jisenoolo foofuul feh boot kakaan wah wacole boot li Ateemit.

Kata Lom 6:16

Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.

Kata Lom 6:19

Fan ilob li bukuluul loon ál̥ahukowan alobemuu, mata búgootowabu booluul búji. Naanaŋ, jikaanoolokaanoolo humumuul feh emiikeel yata buloŋ basetut, li yata kákaanikoo. Li manolamu, muñeˈe joote jilako bukuluul humumuul emiikeel yata kakaan wah wacole min jiloŋ buloŋ banabe.

Kata Lom 9:23

Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola.

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 4:1

Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

2 Kata Koolent 4:16

Wahawu unwu újimuu jakum úyekowaal. Ban maayeet min eniilayi yoololaal yommuu li kakajen, bale kata láalawolaal ummu min wunkulowemuu hunakoohunak.

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 5:10

Jiŋes min jihaas wahawu wásuumumuu Amaaŋenawu.

Kata Fílib 1:20

Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Kata Tesalonik 4:10

Ban fiimaa bukuluul mo foof jommuu li kakaan li kutuyuul feh kata Maseduwaan. Bale, kutuyom, áloli jumbuku li kal̥awuul min jikaan haŋ to.

1 Kata Tesalonik 5:12

Kutuyom, jil̥awuul min jiluuken bukanabuku kammuu li bulok súf li bukuluul, buko kan Amaaŋenawu akaanumuu hákiluul boot min kookenuul min foof kuliikenuul.

1 Tímote 2:3

Wahawu unwu ujakumuu ban li úsuum Ateemit ammuu afakenaawu ololaal,

1 Tímote 5:4

Nokoomuu loon anaale ahoke áyinool abaje kuñiil mantee kuñool kuñoolool, buko umbuku koote kujand kuliiken kútuul Ateemit li butoŋabu booliil humum bo, min kuyili kulaañen sibukoolayiil li sibukoolayiil sihaan wahawu wan kookiilumuu. Mata wahawu unwu Ateemit afañumuu.

Filemoŋ 1:10

Lifañe min il̥awi wah boot li Onéesim, ammuu muñeˈe añoolom li káyinenaku láale li hukul̥ahe.

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

Eébulo 13:22

Kutuyom, ínje ummu li kal̥awuul min jibeben beb min jijanten kulimaku unke kammuu kata kawankulen. Ban fimaa kulim katoge likiiculuul.

1 Fiyeel 2:20

Kasal buu lóomi li ubaj, awu bámuñe kútek kan kuteki mata lúbubbuj miñ? Bale ubajumuu sílaam awu bakaane jak, ban li úmuñ, laalu wah wajake hákil Ateemit.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.