Kata Lom 11:25 - Jola-Kasa

²⁵ Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 11:25 Referencias Cruzadas

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Hulimahu Hásuumaahu loon Lík akiic homuu 21:24

Bukan kukee fan kumukumiil síkundu, kaabuku fan kujokiil kújowetum li sísukasu feh. Bukanabuku kákaanumutumuu li Ateemit balewool fan kúkakul Yeelusalem boot yok nan taŋayi yooliil yommuu li eban.

Hulimahu Hásuumaahu loon Saŋ akiic homuu 10:16

Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.

Kata Lom 1:13

Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

Kata Lom 11:12

Ban nokoomuu loon hubajahu hata adunaayi hubilumbilum li bafetabu bata kusuwifaku, ban hubajahu hata bukanabuku kaletumuu kusuwif li hubilum li hulowahu hooliil, kama nan kusuwifaku foofiil feh kommuu li kufak, inti hubajahu fan huhaŋ maluuk?

Kata Lom 11:24

Li mal̥egenamu, awu jaan loom jata bunuunukenabu ban koonemuu óliibiye bata li bujal, dán Ateemit áfalenumulimuu abil akoten li búwoliibiyaabu bal̥ukimuu, ban inti mo fin kaane. Bale kusuwifaku buko kufimmuu min koono waanawu wata búwoliibiyaabu bal̥ukimuu. Mó mújimuu, Ateemit layilo alaañen akoteniil li bunuunukenabu bafimmuu min boono booliil, ban let hul.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

Kata Lom 9:18

Mó mújimuu, Ateemit fan áyiyen an an afañe, li al̥aal̥en buyinum bata an an súumool.

1 Kata Koolent 10:1

Kutuyom, lifañe min jiwayil̥o kaanaku li taŋayi yata Móyiis, situubawolaal sihaan sinaanaak sijow sinab li kafaal kanaake kufooyiilumuu, ban buko foofiil feh li kújowum li husamuwahu Hájunkaahu kúfu’ baaba.

1 Kata Koolent 12:1

Muñeˈe ulobaal mata újiyawu wata Buyinumabu Banabaabu: Kutuyom, lifañe min jihaas mata mal̥egenamu mata újiyawu unwu.

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

1 Kata Koolent 4:1

Joote kama jíjokoli loon kuloka kata Kilisita, kan asene bútebabu bata elob mata mal̥egenamu mata Ateemit mahaasutimuu.

Kata Efées 1:9

Lakaanolaakaan min uhaasaal wahawu wan afañumuu min akaan, wan uhaaseenutaalumuu. Lajoojok kaanaku fan ákaanum wo li Kilisita loon súumoolumuu.

Kata Efées 3:9

Lakaanonkaan min iyili íhiis bukanabuku feh set, buu lammuu li kakaan wahawu wan an ahaaseenutumuu. Akila áwuwenumuu wahoowah feh, layolooyoloo wo kábilum no.

Kata Efées 4:18

Uyinumawu wooliil úlillim, ban kulet ló li buloŋabu ban Ateemit asenumuu, mata kuhaasut wahoowah ban li kul̥aal̥ uyinum.

2 Fiyeel 3:8

Kutuyom kan iboolaat, baje wah wano wan jootut jimojen: li Amaaŋenawu, hunak hano hunokoonokoo loon simit soon énjunne, ban simit soono énjunne li sinokoo loon hunak hano.

Búhiisenumabu 1:20

Wahawu wahaasutimuu wata siwuutasu hutok lí síl̥ubaasu san ujukumuu li kaŋenom kúli, li sihiitumasu hutok lí síl̥ubaasu sata éwulusayi wo wommuu unwe: siwuutasu hutok lí síl̥ubaasu so sommuu kumalakaaku kata Sijanguwasu hutok lí síl̥ubaasu, sihiitumasu hutok lí síl̥ubaasu so sommuu Sijanguwasu hutok lí síl̥ubaasu.

Búhiisenumabu 10:7

Bale nan amalakaawu atoken li ál̥ubutawu ammuu li al̥ok kasiinaku koola, wahawu wahaasutimuu wan Ateemit alobumuu kakaan, fan ubaj loon akila humumool alob womuu kulokaabuku koola kammuu kufulofetaku.»

Búhiisenumabu 11:15

Fúlum tó, amalakaawu ammuu oola, ban fan aaken jáyiiyaju unju boot nanoonan!»

Búhiisenumabu 7:9

Fúlum tó, li ijuke li ijuk búsuk báamak bata bukan ban an ayilaat acob. Kukankaan bukan kata sihetasu feh, kata utoŋawu feh, kata etaam yanooyan, li kata silobasu feh. Li kuyito hákil efenjeŋayi yata jáyiiyaju li hákil Agálalaanawu. Ujúfo wahiite kukaanowe, ban li kooken úkunt li kuŋeniil.