Kata Lom 11:22 - Jola-Kasa

²² Muñeˈe kama ujuke min ujuk buu Ateemit ásuumumuu ban li átaañi foof. Látaañitaañimuu li bukanabuku kalomuu, min ásuum li awu. Loote kama útuk lit li másuumamu moola. Ukaanut momuu, awu foof fan afaleni abeten.

Kata Lom 11:22 Referencias Cruzadas

Hulimahu Hásuumaahu loon Lík akiic homuu 8:15

Etaamayi yajakumuu, yo yommuu bukanabuku kajamumuu Hulimahu hata Ateemit kuban, li kuyab ho li buyinum bajake ban li kul̥egen. Li kuhanken min kútuk káyinenaku kooliil lit yok kubaj ebukoolum.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Hulimahu Hásuumaahu loon Saŋ akiic homuu 8:31

Muñeˈe Yéesu li aan Kusuwifaku káyinenumuu li akila: — Jinabumuu li kulimaku kan ilobuulumuu, joonosoono li mal̥egen kúgoomaku kúmbaam.

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Kata Lom 11:21

Ateemit, afanumuu afalen waanawu wata búwoliibiyaabu bal̥ukimuu wammuu kusuwifaku, layilo foof afaleni abeten awu jammuu jaan jata búwoliibiye bata li bujal.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

1 Kata Koolent 15:2

Li ho foof Ateemit áfakenumuulumuu, nokoomuu loon jijoojok ho loon liwaalewuul homuu. Letumuu mo, káyinenaku kooluul kubajut jáliŋ.

Kata Galasi 6:9

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

1 Kata Tesalonik 3:5

Wahawu unwu újimuu emmuu iyilaat ikob fiyo, li íboñul Tímote abil agel̥l̥en mata káyinenaku kooluul. Líkoliyenkoli min Sayitaane abuntuul, min bulokabu bóololi feh bulako kakaal̥o.

1 Kata Tesalonik 3:8

Muñeˈe áloli jilaañene jiloŋ, mata bukuluul jítuutuk lit li Amaaŋenawu.

Eébulo 10:23

Utúkaal lit kákangumaku kan ulobaalemuu mata ko, ban jakum úyekowaal, mata Ateemit aanumuu fan akaan wah, luyilo úwooluwaalool.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

1 Saŋ 2:19

Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.

Búhiisenumabu 2:5

Uwayil̥o tay lúlowumulomuu. Utíiwo uŋa’ buloŋ buwunkul, ban li uloŋ loon lunaake uloŋ nomuu nan úyinenumuu lí ínje bútinaa. Utíiwowutumuu uŋa’ buloŋ buwunkul, fan ibil boot li awu, ban fan ífulen ehiitumayi yooli tan elakowemuu.