Kata Lom 10:16 - Jola-Kasa

¹⁶ Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?»

Kata Lom 10:16 Referencias Cruzadas

Máciya 13:14

Muñeˈe hulimahu han afulofetawu Esay alobumuu, húbajummuu li buko, haanumuu: «Fan jijanten ban li jijam jak, bale let jínaanum maayeet tuf. Fan jijuke ban li jijuk jak, bale let jikooñaam maayeet tuf.

Hulimahu Hásuumaahu loon Saŋ akiic homuu 10:26

Bale jíyinenut, mata jilet ló li kúgalalaanaku kata bumatabu búmbaam.

Bakaanelabu 28:24

Kukee li buko li kúyinen mata wahawu wan alobiilumuu úji, bale kaabuku li kuhoy báyinen.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 11:17

Bukanabuku kata Isilayeel kunokoonokoo loon bunuunuken ban koone óliibiye bal̥uki, ban Ateemit li afalen waan wakee wata bo. Awu jaletumuu asuwif li unokoo li kaan kata bunuunukenabu umbu ban koonemuu óliibiye bata li bujal. Ateemit li aŋali ajow akoten li kújonkoonaku kata waanawu wafalenimuu wata búwoliibiyaabu bal̥ukimuu. Muñeˈe luyilo úloŋum li waanawu unwu li húsimahu habilummuu li kuhaalaku kata búwoliibiyaabu umbu bal̥ukimuu.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 2:8

Bale Ateemit fan áhiis etindihuuñayi yoola li bal̥eetabu boola bukanabuku káhoogulewoolumuu, ban li kuhoy banab li mal̥egenamu min kunaak kunab li bakaanelabu bacolutumuu.

Kata Lom 3:3

Muñeˈe waa? Mantee min kukee li Kusuwifaku kul̥egenutumuu li káyinenaku kooliil, mo mommuu li múji Ateemit li ál̥egenaati li kulimaku kan alobumuu?

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

Kata Galasi 5:7

Jijowenjow jak! Kama ayimaa áfiife bútinabu min alenjenuul jífu’ li mal̥egenamu?

2 Kata Tesalonik 1:8

Yéesu fan abilum li húlaañaañ hata sambun, boot katek bukanabuku kahaasutumuu Ateemit ban li kuhoy bakaan loon Hulimahu Hásuumaahu hata Amaaŋenawu oololaal Yéesu hulobumuu.

Eébulo 11:8

Káyinen kújimuu Abulaham li átuul nan Ateemit ahooñoolumuu boot áfu’ li ésukayi yoola, min ajow boot li etaamayi yan ammuu li asenool akil. Abulaham li ajow okila bahaasut bay lajeˈe boot.

Eébulo 4:2

Li mal̥egenamu, alolaal luyabaayab Hulimahu Hásuumaahu hata Ateemit, loon foof bukanabuku kalakomuu li kayiinaayaku kuyab homuu. Bale hulimahu han kujamumuu, hubajut li buko jáliŋ yanooyan, mata nan kujam homuu kuyabut ho li káyinen ló.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:8

Bakiicelabu li boon foof tikee: «Huyitikahu unhu fan húji bukan li kujonten, li hoono húlankiin habete bukan.» Bukanabuku fan kujonten li ho mata kúyinenut li hulimahu, ban wahawu unwu kufimmuu min kukaani to boot.

1 Fiyeel 3:1

Li manolamu, bukuluul kaalaabuke joote jítuul kúyinuul, mantee nokoomuu loon baje kukee li buko kahoye báyinen li Hulimahu hata Ateemit, baloŋelabu booluul li bújiyiil li kúyinen, bukuluul balobutiil hulim hanoohan,